Yohane 16:7 - Sura Malelaha

⁷ Agaiana katouana, ina molambikau roa ane paduNa! Lawi ane baraNa padu, bara ina hawe Topetulungi. Agaiana ane paduNa, ina Kutudu Topetulungi iti mai irikamu.

Yohane 16:7 교차 참조

Yohane 14:26

Agaiana Topetulungi au natudu mai UmaNgku mewali pahuruna wataNgku, iami Inao Malelaha, Ia ina mopaturoakau hinangkana hai Napopaingaakau ope-ope au Kuuliangaamokau.

Yohane 15:26

Ina mai Inao Malelaha, lempona Inao au mesuwu hangko i Pue Ala hai au moninikau i paturo au tou. Ia Topetulungi au ina Kutudu mai irikamu au hangko i UmaNgku. Ane mai, Ia ina mosabi kana Iriko.

Roma 8:28

Taisami ide-ide Pue Ala mobago wori i paka-pakana bona mopaara roa ngkatuwo i ope-ope tauna au mampokaahi Pue Ala, iami i tauna au Nakakio hintoto hai tunggaiaNa.

Suro 2:33

Pue Ala mampopohudami Yesu i pohudaa au tebila hai teadai ntanda i koanaNa. Hai hangko indo, Pue Ala Umanta mowei i Yesu Inao Malelaha nodo au Nadandi. Mewali au niita hai au nihadimi inona, mewali anti kuasana Inao Malelaha au naweingkai Yesu.

Yohane 7:39

(Au natunggai lolitana Yesu iami Inao Malelaha, au ina mendaulu i tauna au mepoinalai Iria. I tempona Yesu mololita nodo, Inao Malelaha bara mani mendaulu i topeulaNa, lawi Yesu bara mani rapopeawa.)

Lukasi 24:49

Nipehadingi lolitaNgku! Ina Kutudu Inao Malelaha mai irikamu. Agaiana hangangaa nipegia hampai inde i wanua Yerusale, duumi molambi kuasa moula dandiNa UmaNgku.”

Suro 10:34

Napepongkami Peturu mololita, nauli, “Ide-ide kuisa mpuumi, Pue Ala bara mampopontani tauna.

Yohane 14:28

Nihadimi lolitaNgku inona au manguli: ‘Ina paduNa, hai ina mesule huleNa irikamu.’ Ane nipokaahi mpuuNa, hangangaa nipokatana wori kalaoNgku i UmaNgku, lawi UmaNgku meliu kamahilena tuwoNa pane Iko.

Yohane 14:3

Ane roomoNa mopasilolonga paidaami, ina mesule huleNa maikau Kuala, bona iumba pea kaaraaNgku, inditi worikau hihimbela hai Iko.

Lukasi 9:27

Nipehadingi maroa apa au Kuuliangaakau ide: ara i olomi au bara mani mate hangko damani moita poparentana Pue Ala.”

Lukasi 4:25

Takatuinao apa au teuki kana i nabi Elia hangkoia. I lalu talu parena hai ini wulana madii, alana hawe rimi mahile i humalele tampo iti. I tempo iti, bosa towawine au bemba maidahe i tampo Isaraeli.

2 Korintu 4:17

Kapari au kipolumaongi ide-ide bara hanoumba hai hampalai pea, hai ane mantahangkai ina molambingkai katuwo maroa au bara mokahopoa. Peawana katuwo au ina kilambi iti melumbu kamahilena hangko i kapari au kihampei ide-ide.

Yohane 16:8

Ane hawe Inao Malelaha, Ia au ina mopatongawa kamadosana manusia, kamanotoNgku hai pehukuna Pue Ala.