Yohane 16:20 - Sura Malelaha

²⁰ Tou mpuu lolitaNgku ide: ina moteriakau, agaiana tauna au bara mepoinalai Iriko, matana-tanahe. Ina masusa lalumi, agaiana kamasusana lalumi iti ina tebaliki mewali kamatanami.

Yohane 16:20 교차 참조

Yakobu 1:2

Halalungku ope-ope! Ane narumpake mampopengaa kapari hai pekelo, inee masusa lalunta. Aginari tapokatana.

Matiu 5:4

Morasihe tauna au mapari lalunda, lawi Pue Ala ina mopalindohe.

2 Korintu 6:10

Masusa lalungki, agaiana matana liliu woringkai. Tuwongki meahi-ahi, agaiana moantingkai pewati i tauna bosa. I peitana manusia, ngkaia kamakurangki, agaiana katouana hinangkana ara irikami.

Markus 16:10

Laomi Maria i topeguruna Yesu, nalambihe tanganda moteria hai masusa lalunda. Nauliangaahe, “Pue tuwo hulemi; kuitami inona!” Agaiana ope-ope au napololita Maria iti bara mpuu rapoinalai.

Yudasi 1:24

Toiami Pue Ala au makuasa mokampaikau datikau manawo, hai Iami au mokampaikau bona malelaha liliukau duuna Naantikau lao i lindoNa au buke peawa i lalu katana-tana.

Lukasi 24:21

Katouana, Iami au kiharunga ina mokabahake, ikita to Isaraeli hangko i iwalinta. Hai alo ide, alo katalunami hangko i karapapateNa,

Galatia 5:22

Agaiana ane naninike Inao Malelaha, ina tongawa wuana i lalu katuwonta, i lalu poantita: mombepokaahike, matana-tanake, tinda lalunta, sabarake, maalusu pololitanta, maroa babehianta; mopabukeike dandita,

Roma 5:11

Hai bara pea iti, matana mpuu lalunta mampokatana roana Pue Ala au tahumba anti kanapahuruntami Amputa Yesu Kerisitu. Lawi hangko i Yesu Kerisitu, maroami pohintuwuta hai Pue Ala.

Lukasi 24:17

Tanganda molumao, mekunemi Yesu irihira, Nauli, “Apari au nipololita tangami molumao?” Mengkaroomohe lumao hai tongawa kamasusana lalunda.

Lukasi 23:27

Tangana Yesu raanti lao i raoa wanua, bosahe tauna meula Iria, tepesuahe bahangkia towawine au moteriahi Yesu.

Pampetudungia 18:7

Hangangaa rapopeahi-ahihe hai rapamaparihe, lawi mampemahilehe, rauli: ‘Iko datu towawine. Barana tobemba. Barana ina molambi kapari.’

Pampetudungia 11:10

Tauna kadake au maida i dunia ina mampokatana kapatenda nabi au rodua iti. Ina mosusahe hai mombeparaseengihe, lawi nabi au rodua iti, au mampopeahi-ahihe hangkoia, matemohe.

Suro 5:41

Padumohe suro iti mopalehi poteruhuanda. Matana mpuu lalunda, lawi Naweihe Pue Ala katepaka rapopeahi-ahi hai rakakabosai anti peulanda i Yesu.

Yohane 16:33

Ope-ope ide Kuuliangaamokau bona molambikau katinda lalu hangko i pohintuwumi hai Iko. Tangami mani i dunia ide, batemi rapopeahi-ahi. Agaiana nipakaroho lalumi, lawi kuasa tokadake au ara i lalu i dunia ide Kunangimi.”

Yohane 16:6

Masusa lalumi i kanihadina lolitaNgku inona au mouli kaina paduNgku.

Lukasi 22:62

Padumi Peturu lao i raoa, hai moteria monggoro-nggoro lawi masusa laluna.

Lukasi 22:45

Roo mekakae, meangkami Yesu lao i topeguruNa. Nalambihe tanganda leta anti kawiorana mpuu lalunda.

Lukasi 6:21

Morasikau au marimi, lawi ikamumi au ina rapamabuhu. Morasikau au moteria, lawi ikamu au ina matana-tana.

Markus 14:72

I tempo iti, motuturuami manu karombelana. Nakatuinaomi Peturu lolitana Yesu au manguli, “Hangko damani motuturua manu karombelana, talumi belana nusapuakaNa.” Ido hai moteriami Peturu monggoro-nggoro.

1 Tesalonika 1:6

Hai ikamu halalu, kamohadimi Ngkora Marasa iti, nipeulaimi poantiki hai poantina Pue Yesu. Lawi nauri rumihi karapopeahi-ahimi, matana liliu lalumi modoko Ngkora Marasa. Kamatanami iti naweikau Inao Malelaha.

Yohane 20:20

Roo indo, Napopaitaamohe taieNa hai lompeNa. Matana mpuu lalunda moita Ampunda.

Matiu 21:38

Agaiana, i karaitana topokadipura bonde anana ampu bonde iti, mogombomohe, rauli: ‘Oloumi mai anana, ia au ina mewali ampu bonde ide. Agina tapapate, hai taala bondena hai ope-ope ihina.’