Yohane 16:17 - Sura Malelaha

¹⁷ Wulimohe topeguruNa, hai arahe au mombekune-kune, rauli, “Apa tunggaiaNa pane Nauliangaake, ‘Hampalai pearai, barapoNa ina niita. Hampalai pearai wori, ina niita suleNa’? Hai apa wori tunggaiaNa pane Nauli, ‘LaoNa i UmaNgku’?”

Yohane 16:17 교차 참조

Yohane 16:16

Nauli mbuli Yesu, “Hampalai pearai, barapoNa ina niita. Hampalai pearai wori, ina niita suleNa.”

Yohane 16:5

Agaiana ide-ide, ina laomoNa i UmaNgku au motuduNa, hai barakau ara hadua au mekune Iriko ba iumba kalaoaNgku.

Markus 9:32

Agaiana tunggaiana lolitana Yesu bara raisa topeguruNa, hai bara worihe bai mekune Iria.

Yohane 16:19

Naisa Yesu karapeinaona mekune Iria. Ido hai Nauliangaahe, “Ba ia lolitaNgku inona au manguli, ‘Hampalai pearai, barapoNa ina niita. Hampalai pearai wori, ina niita suleNa’

Yohane 14:5

Nauli Tomas, “Pue, bara wongkamia kiisa iumba kalaoaMu. Mewali, noumba kakiisana rarana?”

Yohane 12:16

I tempo iti, bara mani raisa topeguruna apa lempona au mewali iti. Agaiana karapopeawanami Yesu i karapapatena, hangko rakatuinaori topeguruNa apa au teuki i lalu Sura Malelaha au mopahawe amimi apa au mewali i Yesu.

Lukasi 18:34

Agaiana tunggaiana Yesu, bara raisa topeguruNa, lawi lolitaNa tewuniangi mani lempona irihira.

Markus 9:10

Hawana iti rapeulai mpuu, bara rapopololita i hema pea apa au mewali inona. Agaiana topeguruNa mombekune-kunemohe ba apa tunggaiana Yesu manguli kaina mearoNa hule hangko i kapate.

Yohane 16:1

“Ope-ope ide Kuuliangaakau bona dati tekabaha pepoinalaimi Iriko.

Yohane 14:22

Yudasi (bara Yudasi Iskariot) mekune i Yesu, nauli, “Pue, moapa hai irikami peaKo mopatongawa wataMu, bara i ope-ope tauna au i dunia?”

Lukasi 9:45

Agaiana bara raisa topeguruNa apa tunggaiana lolitana Yesu, lawi tewuniangi mani lempona irihira. Bara worihe bai mekune Iria apa lempona lolitaNa.

Yohane 16:18

Mombekune-kune liliuhe, rauli, “Moapa hai Nauli liliu: ‘Hampalai pearai’? Bara taisa lempona.”