Yohane 14:30 - Sura Malelaha

³⁰ Barapi ngkaia katepakaNgku mololita hai ikamu, lawi ina hawemi Datu Tokadake. Ia au mokuasai dunia ide, agaiana bara makuasa Iriko.

Yohane 14:30 교차 참조

1 Yohane 5:19

Hai taisami: ikita ide napoanamoke Pue Ala, hai ope-ope dunia ide nakuasai Datu Tokadake.

1 Yohane 4:4

Agaiana ikamu anangku, napoanamokau Pue Ala, hai ninangimohe nabi au mepawuli iti, lawi Inao au ara i lalumi melumbu kuasana hangko i inao au ara i lalunda au barahe mepoinalai i Pue.

Pampetudungia 12:9

Mewali, naga au mahile iti, ratende hangko i suruga hawe i dunia hihimbela hai malaekana. Iami ile au arami hangkongkoia, au rahanga Datu Tokadake ba Tadulako Seta. Ia au mopakanawo tauna au maida i humalele dunia.

Yohane 12:31

Ide-ide hawemi tempona Pue Ala hangangaa mobotusi ope-ope manusia i dunia. Hai hawe worimi tempona Datu Tokadake au mokuasai dunia ide hangangaa ranawo.

Epesu 6:12

Lawi i pombealata ide, barake moewa manusia agaiana moewake au makuasa au bara taita. Moewake tadulako-tadulako kamakaindi au makuasa i dunia. Moewake hinangka seta hai tokadake au mokuasai laerawa.

1 Peturu 2:22

Ia bara hambela mobabehi dosa ba modongko.

Epesu 2:2

I tempo iti, babehiami alo-alona moula babehianda tauna au kadake i dunia ide; lempona matundukau i Datu Tokadake au makuasa i laerawa. Kuasa iti duuna ide-ide, mobago liliu i lalunda tauna au barahe mengkoru i Pue Ala.

2 Korintu 4:4

Napawulihe Datu Tokadake au mokuasai dunia ide datihe mampoinalai Ngkora Marasa. Kuasa Ngkora Marasa bara mopamabaa lalunda. Mewali, barahe moisa peawana tuwona Kerisitu au mopatongawa peawana Pue Ala.

Ibarani 4:15

Lawi Tadulako Mpenomba Mahilenta iti moisa kamaledenta. Naisa ntepuu, lawi Ia rakelo worimi i hinangkana nodo ikita, agaiana Ia bara madosa.

Lukasi 22:53

Alo-alona araNa hihimbela hai ikamu i Souna Pue Ala mepaturo. Moapa hai baraNa nihaka i tempo iti? Agaiana kaindi rai hangko baikau mohakaNa. Idemi tempomi, lawi ide wori tempona Datu Tokadake au makuasa i hinangkana au makaindi!”

Kolose 1:13

Ia mokabahamoke hangko i kuasa au makaindi, hai Napopewalimoke taunaNa i lalu poparentana AnaNa au Napokaahi.

Ibarani 7:26

Mewali, Yesu itimi Tadulako Mpenomba Mahilenta au taparaluu, lawi Ia pea au peisa motulungike. Ia malelaha tuwoNa, bara ara salaNa ba kamakuraNa. Nauri mewali manusia, Ia bara madosa nodo manusia. Ia raangkami i hambua pohudaa au meliu kamapangkana hangko i ope-ope au i langi.

2 Korintu 5:21

Kerisitu, bara madosa, agaiana napahimbela Pue Ala tauna madosa hai Napahaleangi dosanta. Tunggaiana Pue Ala bona ikita au mohintuwu hai Kerisitu raimbamoke manoto i peitaNa.

Lukasi 1:35

Nahanai malaeka, “Inao Malelaha ina mendaulu irio, hai kuasana Pue Ala ina mobobongiko. Ido hai anangkoi au ina nupoanaka iti, ina rauli Anana Pue Ala au Malelaha.

1 Peturu 1:19

agaiana hai au meliu kamasulina, iami wahena Kerisitu. Kerisitu iti nodo hambaa ana dimba au bara ara hakina ba kamakurana. Iami au rahuku mate mopahurukau.

1 Yohane 5:18

Au taisa: ope-ope tauna au napoana Pue Ala, barahe mobabehi liliu dosa, lawi nakampaihe Anana Pue Ala, ido hai barahe peisa nasilakai Datu Tokadake.