Yohane 11:53 - Sura Malelaha

⁵³ Mepongka alo iti, tadulakonda to Yahudi mohawamohe bona Yesu rapapate.

Yohane 11:53 교차 참조

Suro 9:23

Bahangkia alona hangko inditi, mogombomohe to Yahudi bona mopapate Saulu.

Suro 5:33

Karahadina tadulako lolitanda suro iti, rumpu ntepuumohe, hai rapeinaomi mopapate surona Pue Yesu.

Yohane 12:10

Indo mogombomohe kapala-kapala tadulako mpenomba, mampololita tunggaianda ina mopapate Lasaru.

Yohane 11:47

Ido hai toParisi hai kapala-kapala tadulako mpenomba mopaaramohe pogombo mahile hihimbela hai tadulako agama au ntanina, rauli, “Apa au hangangaa tababehi? Nipeita! Ngkaiami tanda kuasa au Nababehi tauna iti.

Markus 14:1

Rongalo rai ina hawe Alo Posusa Pasa hai Posusa Roti Au Bara Raragii. I tempo iti, kapala-kapala tadulako mpenomba hai guru agama mohaoki rara mohaka ngkandii Yesu bona rahuhu rapapate.

Markus 3:6

Padumohe toParisi hangko i sou penombaa, hai laohe moteruhu hai taunana Datu Herode. Mohaokihe rara bona mopapatehe Yesu.

Matiu 26:59

I tempo iti, kapala-kapala tadulako mpenomba hai ope-ope tadulako agama mohaoki sabi au bara tou bona Yesu peisa rahuku mate.

Matiu 22:46

Bara ara hadua au mohanai. Mepongka i alo iti, barapi ara hadua au bai mekune ba apa-apa i Yesu.

Matiu 16:21

Mepongka hangko inditi, Yesu mopakanoto i topeguruNa apa au hangangaa mewali i wataNa, nauliangaahe, “Hangangaa laoNa i Yerusale. Inditi ina rapopeahi-ahiNa totosae boea, kapala-kapala tadulako mpenomba hai guru-guru agama. Ina rapapateNa, agaiana i kataluna alona, ina tuwo huleNa.”

Matiu 12:14

Ido hai padumohe toParisi hangko i sou penombaa, hai mohaokihe rara mopapate Yesu.

Matiu 26:4

Mogombomohe, rauli, “Noumbami raranta mohaka Yesu bona rapapate?”

Yohane 7:1

Roo indo, Yesu lao i humalele tampo Galilea. Barapi mau lao i tampo Yudea, lawi arahe tadulakonda to Yahudi inditi au mampeinao mopapate.