Yohane 11:26 - Sura Malelaha

²⁶ Hai ope-ope tauna au molambi katuwo hangko i pepoinalainda Iriko, barahe ina mate hawe i hae-haena. Ba Nupoinalai au Kuuli ide?”

Yohane 11:26 교차 참조

Yohane 10:28

Kuweihe katuwo maroa au bara mokahopoa, hai manotomi kadanda ina rahuku. Bara ara hadua au peisa mamperampaihe hangko i taieNgku.

Roma 8:13

Ane mampeulai peake peundeana lalunta au kadake, ina mateke. Agaiana ane takabahami babehianta au kadake anti kuasana Inao Malelaha, ina molambike katuwo au bara mokahopoa.

Yohane 5:24

Tou mpuu lolitaNgku ide: hema-hema au mampehadingi lolitaNgku hai mepoinalai i Pue Ala au motuduNa, molambihe katuwo maroa au bara mokahopoa. Barahe ina rahuku anti dosanda. Tekabahamohe hangko i kapate, hai molambihe katuwo.

Yohane 14:10

Bara mani pae nupoinalai Iko mohintuwuNa hai UmaNgku nodo wori UmaNgku mohintuwu hai Iko? Apa au Kuuliangaakau ide, bara Kuuli moula peundeaKu. UmaNgku mohintuwu hai Iko, Ia au mobago liliu i lalu katuwoNgku.

Yohane 4:14

Agaiana hema au moenu owai au Kuwei, barapi mangkadou hawe i hae-haena. Lawi owai au Kuwei iti, ina moili liliu i laluna; lempona, ina molambi katuwo maroa au bara mokahopoa.”

Matiu 9:28

Pesuana Yesu i lalu sou, maimohe tobilo au rodua iti mampohidupaa. Napekunehe Yesu, “Ba nipoinalai kaarana kuasaNgku mopakaohakau?” Rahanai, “Kipoinalai, Pue!”

Yohane 9:35

Nahadi Yesu karawurana tauna iti hangko i sou penombaa. Ido hai laomi Napombelambia, Nauliangaa, “Ba mepoinalaiko i Ana Manusia?”

Markus 9:23

Nauli Yesu, “Moapari hai nuuli ‘Ane peisa?’ Ope-ope peisa mewali i tauna au mepoinalai Iriko.”

Matiu 26:53

Bara pae nuisa, ane merapi tulungiNa i UmaNgku, hampalai peahe mai ina Napohawaa hampulo hai rontobu surodado malaeka, ba melabitori!

Yohane 6:47

Tou lolitaNgku ide: hema au mepoinalai Iriko, molambihe katuwo maroa au bara mokahopoa.