Yohane 10:24 - Sura Malelaha

²⁴ Tadulakonda to Yahudi motolelikihe Yesu, hai rauliangaa, “Moapa hai Nupogiangaa liliungkai wuli? Barangkai Nupakanotoa kahemaMu. Ane Datu Topehompo mpuuKo, Nupakanotoamongkai.”

Yohane 10:24 교차 참조

Yohane 1:19

Idemi posabina Yohane au mopahawe kahemana Yesu. Hambela tempo, tadulakonda to Yahudi i Yerusale motudumohe bahangkia tadulako mpenomba hai to Lewi lao i Yohane. Kahawenda i Yohane, rauliangaa, “Tunggaiaki maingkai mekune irio ba hemako. Ba oiomi Datu Topehompo?”

Yohane 8:53

Ba Nuuli meliu kamahilena tuwoMu hangko i toiorunta Burahima au mahaemi mate? Ba meliu kamahilena tuwoMu hangko i ope-ope nabi au matemohe? Ane nodo lolitaMu, tuwoMu Nupahimbelari hai hema?”

Yohane 8:25

Rapekune, “Katou-touana, hemaKo?” Mehana Yesu, “Roomokau Kuuliangaa hangko i nguru-nguruna!

Matiu 11:3

“Ba Oio mpuumi Datu Topehompo au nadandi Pue Ala? Ba ara mani au ntanina kipegia?” Lao mpuumohe topeguruna Yohane mopahawe pampekunena iti i Yesu.

2 Korintu 3:12

Mewali, anti peharungangki i dandina Pue Ala au wou, ido hai barangkai langa mopahawe Ngkora Marasa i kanoto-notoana.

Yohane 16:25

“Ope-ope ide Kupololitami irikamu hai ngkora pandiri. Agaiana hambela tempo barapoNa mopake ngkora pandiri. Ina Kupololitaakau kana i UmaNgku i katotongawaana.

Yohane 9:22

(Inana hai umana manguli nodo, lawi langahe i tadulakonda to Yahudi. Lawi arami kabotuana hawanda tadulako iti au node: hema-hema au manguli Yesu iti Datu Topehompo, barapohe rapaliu mesua i sou penombaa.

Lukasi 3:15

I tempo iti, tauna bosa mampempegiahe kahawena Datu Topehompo au nadandi Pue Ala. Ido hai mekune-kunehe i lalunda rauli, “Ba Yohane itimi Datu Topehompo?”

Markus 8:32

Ope-ope iti Napatongawaamohe. Agaiana Peturu modii Yesu hangko inditi hai nakambaroa.

Yohane 10:31

Pohadinda lolitana Yesu, to Yahudi iti motimamohe watu, rapeinao mowatui Yesu bona mate.

Yohane 10:33

Rauli to Yahudi, “Barari anti bagoMu au maroa pane ina kipapateKo, agaiana anti popapakoiMuri Pue Ala! Oio, manusia biasa peaKo, agaiana Nuuliri Pue AlaKo!”