Yohane 1:11 - Sura Malelaha

¹¹ Mogalori i tampoNa haduduaNa, Ia bara radoko.

Yohane 1:11 교차 참조

Lukasi 19:14

Agaiana i tampona tuana iti, ara worihe tauna au mokahihi. Mewali, i kapaduna, rahawami bona bahangkia suro lao mouliangaa Datu Mahile: ‘Tua, ia inee talanti mewali datungki, lawi bara kiunde!’

Yohane 3:32

Ia mampololita apa au Naita hai au Nahadimi, agaiana bara ara au mampoinalai lolitaNa.

Matiu 15:24

Nauli Yesu i towawine iti, “Pue Ala motuduNa mai motulungi pemuleana pea to Isaraeli, lawi ihira nodo dimba au puha.”

Roma 15:8

Nipailalu ide: Kerisitu mai i dunia motulungihe to Yahudi bona tepabukei dandina Pue Ala i toiorunda hangkoia, alana tongawa i ope-ope tauna katouna Ngkorana Pue Ala.

Suro 13:46

Agaiana Paulu hai Baranaba pebaihe mouliangaa to Yahudi iti, “Katouana, Ngkorana Pue Ala nguru-nguruna hangangaa rapahawe hampai irikamu to Yahudi, agaiana bara nidoko. Ikamu haduduami au mopakanoto kadami hintoto molambi katuwo maroa au bara mokahopoa. Ido hai ina kipalehimokau lao i tauna au barahe to Yahudi!

Roma 9:5

Ihira iamohe pemuleanda toiorunda au napileimohe Pue Ala hangkoia. Hai Kerisitu au rapoanaka nodo manusia mesupa wori hangko i pemuleanda. KuasaNa melumbu hangko i hinangkana; Iami Pue Ala au hintoto tatoia hawe i hae-haena. Amin!

Galatia 4:4

Agaiana i tempo au Napakanotomi Pue Ala, Ia motudumi AnaNa mai i dunia, au napoanaka hadua anantowawine, hai Ia tuwo nodo to Yahudi au mengkoru i Aturana Musa.

Suro 13:26

“Halalungku pemuleana Burahima, hai ikamu wori au barakau to Yahudi au menombakau i Pue Ala: irikita rapahawe bambari au mopakanoto rara bona peisake tekabaha hangko i huku dosanta.

Roma 9:1

Apa au kuuli ide hangko i lalungku mpuu. Barana modongko. Kerisitu moisa lalungku. Hai notona lalungku ide nasabiki Inao Malelaha.

Yohane 1:10

Ia au napopatoa Pue Ala mampopewali dunia ide. Agaiana i tempoNa ara i dunia, Ia bara raisa kahemaNa.

Yohane 1:12

Agaiana hema-hema au modoko hai mepoinalai Iria, ihirami au Napopewalihe anana Pue Ala.

Yohane 19:27

Hai Nauliangaa mbuli topeguruNa iti, “Itimi inamu.” Mepongka indo, topeguruNa iti mokadipurami inana Yesu i souna.

Suro 21:6

Karoongki mekakae, mombetabemongkai, hai mengkahengkai i kapala tahi. Ihira au maihe meanti mesulemohe i sounda.