Yakobu 5:10 - Sura Malelaha

¹⁰ Halalungku ope-ope! Nikatuinaohe nabi hangkoia au mobambari Ngkorana Pue. Sabarahe hai mantahahe mantodiha kapari. Maroa ane tapeulai kasabaranda.

Yakobu 5:10 교차 참조

Ibarani 13:7

Hangangaa nikatuinao liliuhe tadulakomi au mopahaweamokau Ngkorana Pue Ala. Nipeita noumba tuwonda hawe i kapatenda, hai nipeulai pepoinalainda.

Suro 7:52

Toiorumi mampopeahi-ahimohe nabi-nabi hangkoia; ihira mopapatehe tuduana Pue Ala au mobambari kaina hawena hadua Tuduana Pue Ala au Manoto. TuduaNa au Manoto iti ide-ide nisapuaka hai nipapatemi.

Suro 3:21

Ide-ide, Yesu maida i suruga, hai batena ara liliu indora duuna hawe tempona Pue Ala mopawou hinangkana, nodo au rapahawe nabiNa au malelaha hangkoia.

Lukasi 6:23

Iti au rababehi worimi toiorunda i nabi-nabina Pue Ala hangkoia. Mewali, ane iti au rababehiakau, mesende-sendekau anti kamatanana lalumi. Hangangaa matanakau lawi mahile hurungina au ina nihumba i lalu suruga.

Lukasi 13:34

To Yerusale, to Yerusale! Mopapatemokau nabi-nabi. Hai tauna au natudu Pue Ala lao irikamu, niwatuihe. Bosa belana Kupeinao mokalapuikau nodo hambaa manu ntina au motaoboki anana, agaiana bara niunde.

Yakobu 4:11

Halalu, ineekau mombepakadake. Ane ara hadua tauna au mopakadake rangana ba mopakisala halaluna, lempona mopakadake hai mopakisala wori Aturana Pue Ala. Tauna au mopakadake halaluna, bara moula Aturana Pue. Anti babehiana au sala iti, ia peisa rapandiri nodo hadua topobotusi au mosalai Aturana Pue Ala.

Yakobu 5:7

Halalu-halalu! Hangangaa sabarakau mampegia kahaweNa hule Pue. Nipeita noumba kasabaranda topobonde mampegia powuana tuda-tudanda. Sabarahe mampegia uda i temponda mantuda hawe i powuana.

Yakobu 5:9

Halalu, ineekau mohume-hume hai mombesasalai datikau narumpa pehuku. Lawi ara hadua topebotusi au hungkumi, hai barapi mahae ina hawemi!

Yakobu 5:13

Ane ara i olomi au molambi kapari, agina mekakae. Ane ara au matana, hangangaa monani motoia Pue Ala.