Titu 3:15 - Sura Malelaha

¹⁵ Kupahawe wori tabeanda ope-ope rangangku au arahe inde. Nupahawe wori tabeangki i halalunta hampepepoinalai inditi, i Kreta. Pue mowatikau ope-ope. Hangko iriko PAULU

Titu 3:15 교차 참조

Ibarani 13:25

Pue mowatike ope-ope.

1 Timotiu 1:5

Tunggaiana paturongku ide bona ikita ope-ope mombepokaahike. Hangangaa mombepokaahike hangko i lalunta au malelaha, hangko i kabulana lalunta hai hangko i kamarohona pepoinalainta i Pue Ala.

Kolose 4:18

Tabea hangko iriko, Paulu. Kahopoa sura ide kuuki haduduangku. Nikatuinao wongkoia ide-ide tangangku mani i lalu tarunggu. Pue mowatikau. Hangko iriko PAULU

Galatia 5:6

Ane mohintuwuke hai Kerisitu Yesu, bara ara bunduna ratileke ba barake ratile; batena pea mepoinalaike i Yesu. Hai ane maahike i ranganta, pepoinalainta iti ina tongawa.

3 Yohane 1:1

Sura ide hangko iriko, Tosaenda to Sarani, kupakatu irio Gayu, rangangku au tou-tou mpuuko kupokaahi.

Pilemo 1:5

Lawi kuhadimi bambari au manguli noumba kamarohona pepoinalaimu i Pue Yesu hai kamahilena ahimu i ope-ope to Sarani.

2 Timotiu 4:22

Kuharunga naporangaiko Pue. Hai Pue mowatikau ope-ope. Hangko iriko PAULU

1 Timotiu 1:2

Sura ide kupakatu irio Timotiu au kupoanamoko lawi himbela pepoinalainta. Mekakaena i Pue Ala Umanta hai i Kerisitu Yesu Amputa bona Nawatiko, hai Natudungiako ahiNa, hai Naweiko roa ngkatuwo.

1 Korintu 16:23

Pue Yesu mowatikau!

Matiu 5:47

Ane maroa pea lalumi i himadami, ba niuli maroami babehiami? Mogalori tauna au bara moisa Pue Ala, nodo wori rababehi.

Suro 20:34

Niisato halalu, mobagona haduduangku bona kubuku meholo hinangkana au kiparaluu.