Suro 9:42 - Sura Malelaha

⁴² Au mewali iti rapololita i humalele wanua Yope, alana bosa tauna mepoinalai i Pue Yesu.

Suro 9:42 교차 참조

Suro 9:35

Ope-ope tauna i wanua Lida hai i tampo Saron moita kamaohanami Eneas, hai mepoinalaimohe i Pue Yesu.

Yohane 12:11

Lawi anti kaiana, rapalehihe bosa to Yahudi au mepoinalaimohe i Yesu.

Yohane 11:45

Bosahe to Yahudi au mai mosondaki Maria i tempo ido, moita apa au nababehi Yesu. Hai bosahe au mepoinalai Iria.

Suro 11:21

Kuasana Pue ara hihimbela hai ihira, alana bosa to Antiokia mepoinalai hai meula i Pue Yesu.

Yohane 12:44

Mololitami Yesu masisimbuku, Nauli, “Tauna au mepoinalaihe Iriko, bara Iko pea au rapoinalai, mepoinalai womohe Pue Ala au motuduNa.

Yohane 11:4

Kanahadina Yesu bambari iti, Nauli, “Hakina iti bara ina Napomate. Iti mewali bona peawana Pue Ala rapatongawa, hai bona Iko AnaNa rapomahile woriNa.”

Suro 9:36

Bara karao hangko i wanua Lida, ara hambua wanua au rahanga Yope. Inditi, ara hadua towawine au mepoinalai i Yesu, rahanga Tabita. (I lalu basa Yunani hangana Dorkas, lempona lagiwa.) Tauna iti maroa babehiana, lawi ia motulungi liliuhe tauna au meahi-ahi.

Suro 9:38

Lawi wanua Yope bara karao hangko i wanua Lida, ido hai topepoinalai i Yope mohadihe kaarana Peturu i wanua Lida. Ratudumi rodua tauna lao i Peturu merapi bona hoholiga mai i Yope.

Suro 9:43

Roo indo, Peturu maida i Yope bahangkia alona kamahaena. Ia maida i souna Simo, hadua topobabehi parewa au hangko i koli.

Suro 10:5

Mewali ide-ide, nutudumohe bahangkia tauna lao i Yope mohaoki hai mokakio mai hadua tauna au rahanga Simo au rauli wori Peturu.

Suro 10:8

Kornelius mopahawe irihira apa au hangko naita hai nahadi, pane natudumohe lao i wanua Yope.

Suro 11:5

“Tangangku mekakae i wanua Yope, unga peana moita hambua pampetudungia. I lalu pampetudungia iti, kuita ara au nodo bana mapeka, rabararangi iba hunona, hai bana iti raulu hangko i langi toa i lindoku.

Suro 11:13

Kornelius mopahawe irikami apa au naita, iami hadua malaeka au hawe i souna au mouliangaa: ‘Nutudumohe bahangkia tauna lao i Yope mohaoki hai mokakio mai hadua tobalilo au rahanga Simo au rauli wori Peturu.