Suro 9:17 - Sura Malelaha

¹⁷ Mewali, lao mpuumi Ananias i sou au natunggai Pue Yesu inona, hai moonami taiena i Saulu, nauli, “Saulu, halalungku! Pue Yesu au nuita i rara i tempomu mai inde, Iami au motuduna mai mosondakiko bona meita huleko hai bona nakuasaiko Inao Malelaha.”

Suro 9:17 교차 참조

Matiu 19:13

Hambela tempo, arahe tauna au moanti ananda i Yesu bona Napetobo hai Napekakaengaahe. Agaiana topeguruNa mampokarumpuhe tauna iti.

Markus 5:23

merapi tulungi, nauli, “Anangku towawine ina matemi. Laoke i soungku, Nupetobo bona maoha hai batena pea woia tuwo.”

Markus 6:5

Inditi Yesu bara peisa mobabehi ngkaia tanda kuasa. Bahangkia pea tomahai au Natobo bona maohahe.

Lukasi 1:41

Kanahadina Elisabet petabena Maria, mokalemi anangkoi au nakantimia, hai Elisabet nakuasai Inao Malelaha,

Lukasi 1:67

Sakaria, umana anangkoi iti, nakuasaimi Inao Malelaha, hai mohowara lolita ide au hangko i Pue Ala, nauli,

Lukasi 1:76

Roo indo, Sakaria mouliangaa anana: “Oio, anangku, ina rauliko nabina Pue Ala au melumbu kuasaNa hangko i ope-ope au rapenombai. Lawi oiomi au ina lao ioru hangko i Pue, mopasilolonga lalunda tauna bosa motarima Ia.

Lukasi 15:30

Anamu au hangko mesule iti motende mbero anu-anumu i towawine au kadake babehiana, agaiana i pesulena ide, nuposambaleari ana japi au marudu!’

Lukasi 15:32

Agaiana, hintoto mpuuke mosusa i katana-tana, lawi adimu au mate, tuwo hulemi. Matanta hangkoia, agaiana talambi hulemi.’ ”

Lukasi 2:11

Kaindi ide i boeana Datu Daudi, rapoanakami hadua Datu au moanti katuwo maroa irikamu, iami Kerisitu, Amputa.

Suro 10:36

Manoto niisa mpuumi bambari au napahawe Pue Ala irikami to Yahudi. Bambari iti mopahawe kana i rara au mopamaroa pohintuwuna Pue Ala hai manusia melempo i Yesu Kerisitu. Yesu iti iami Ampunda ope-ope tauna.

Suro 13:3

Mewali, karoonda mopuasa hai mekakae, raonami taienda i Baranaba hai Saulu. Roo indo, rapopelingkamohe lao mobambari Ngkora Marasa.

Suro 13:52

Topepoinalai i Pue Yesu i Antiokia, nakuasaimohe Inao Malelaha hai matana mpuu lalunda.

Suro 19:6

Hai i tempona Paulu moona taiena i tanoananda, mendaulu mpuumi Inao Malelaha mokuasaihe. Unga peahe mololita hai basanda tauna ntanina, hai mohowarahe lolita au hangko i Pue Ala.

Suro 2:4

Roo indo, ope-ope tauna iti nakuasaimohe Inao Malelaha, hai mepongkamohe mololita i lalu ngkaia pakana basa au bara mani raisa, moula apa au napakanotoahe Inao Malelaha.

Suro 21:20

Karahadina lolitana Paulu, motoiamohe Pue Ala. Hangko inditi, mopahawehe lolita ide i Paulu, rauli, “Halalu bona nuisa, isabunami halalunta to Yahudi au mepoinalai i Yesu. Hai mampeulai mani worihe Aturana Musa hangko i lalunda.

Suro 26:15

Mekunena: ‘hemako, Pue?’ MehaNa, nauli, ‘Ikomi Yesu, au nupopeahi-ahi!

Suro 4:31

Karoonda mekakae, modua-duami sou au rapaidai, hai nakuasaimohe Inao Malelaha. Ido hai bai mpuumohe mopahawe Ngkorana Pue Ala i tauna bosa.

Suro 6:6

Raantimohe tauna au pitu iti lao i surona Pue Yesu, hai suro iti moona taienda i waanda tauna au pitu iti hai mekakaehe bona Pue Ala mowatihe.

Suro 8:17

Mewali Peturu hai Yohane mampekakaengaahe hai moangka taienda i wongko waanda to Samaria iti. Hai modokomohe Inao Malelaha.

Suro 9:18

I tempo iti peawomi, ara au nodo ruke manawo hangko i matana Saulu, hai unga pea meita, pane meangkami hai rariumi.

Roma 15:7

Mewali, halalu, ido hai kuuliangaakau: nidoko maroa halalumi hampepepoinalai, nodo Kerisitu modoko worike ope-ope. Lawi ane hintuwuke hai halalunta hampepepoinalai, Pue Ala rapomahile anti babehianta iti.

1 Korintu 15:47

Adama au kaisa hangko i dunia hai rateru hangko i awu tampo, agaiana Adama au kadua hangko i suruga, iami Kerisitu.

1 Korintu 15:8

Kahopoana, mampatongawami iriko. Iko, barana nodo suro au ntanina. Raangkana mewali surona Pue Yesu i tempo au bara rahaharunga, nodo hadua anangkoi au rapoanaka bara mani handa wulana.

1 Korintu 9:1

Barana pae peisa mobabehi apa-apa moula peundeaku haduduangku? Barana pae surona Pue Yesu? Bara manina pae moita Yesu Amputa? Hai bara pae napopewalimona suroNa? Hai bara pae ikamumi wua pobagongku i Pue?

1 Timotiu 4:14

Ineeko mokabaha bagomu au hangangaa nupopolumao moula kapande au naweiko Inao Malelaha. Kapande iti raweiko i temponda penatua moona taienda hangkoia i tanoanamu mopahawe lolita hangko i Pue Ala kana irio.

1 Timotiu 5:22

Ineeko hoholiga moangka tauna mewali penatua, nuparesa hampai babehianda bona dati oio au mohuru ane mobabehihe dosa. Maroa-roako bona manoto liliu babehiamu.

2 Timotiu 1:6

Mewali Timotiu, Kupopaingaako kana i bago au naweiko Pue Ala hangkoia, i tempoku moona taiengku i tanoanamu motawiko. Ido hai kuperapi bona nupakaroho mpuu lalumu mampopolumao liliu bago iti.

Pilemo 1:16

Hai Onesimus iti, ineemi nuimba hawimu lawi melumbu tuwona hangko i kahawina. Ide-ide hangangaa nuimbami halalumu hampepepoinalai au nupokaahi. Ane iko maahina iria, apa mani oio. Hangangaa nupokaahi lawi ia hangka manusiamu hai halalumu i lalu Pue Yesu.

Ibarani 6:2

Hangangaa rapaturoahe kana i periu, noumba tadulako agama moona taienda i tanoananda tauna au rawati, karapatuwo hulenda tomate, hai pehukuna Pue Ala au bara mokahopoa. Paturo iti tou, agaiana ineemi rahuhuleki.

2 Peturu 3:15

Hangangaa takatuinao apa tunggaiana kasabarana Pue. Ope-ope tauna naweihe Pue Ala katepaka bona tehoremahe. Paturo ide naukia worikau hadua halalunta au tapokaahi, iami Paulu. Hai apa au nauki Paulu i lalu surana moula kanoto lalu au nakiraia Pue.