Suro 9:11 - Sura Malelaha

¹¹ Nauli Pue, “Laomoko ide-ide i souna Yudasi i rara au rahanga Rara Manoto. Nuhaoki i sou iti hadua tauna hangko i wanua Tarsus au rahanga Saulu. Tauna iti ide-ide tangana mekakae,

Suro 9:11 교차 참조

Suro 22:3

“Iko to Yahudina. Boea karapoanakangku, Tarsus i tampo Kilikia, agaiana hangko koi-koi peamona maidamona inde, i Yerusale. Mosikolana inde, napaguru maroana hadua guru au rabila ntepuu, hangana Gamaliel. Napaturo ntepuuna ope-ope atura au naweihe Musa i toiorunta hangkoia hai madotana mampeulai ope-ope aturana Pue Ala, nodo ikamu.

Suro 21:39

Nahanai Paulu, “Iko to Yahudina, hangko i Tarsus, wanua au tehanga i tampo Kilikia. Kuperapi bona niwei wongkoia tempo mopahawe lolitangku i tauna bosa.”

Suro 9:30

Mewali, karaisana halalu hampepepoinalaina tunggaianda tauna iti, ia raporangaimi hawe i wanua Kaisarea. Hangko i Kaisarea, rapopeangkami lao i wanua Tarsus.

Suro 11:25

Roo indo, laomi Baranaba i wanua Tarsus mohaoki Saulu.

Suro 11:13

Kornelius mopahawe irikami apa au naita, iami hadua malaeka au hawe i souna au mouliangaa: ‘Nutudumohe bahangkia tauna lao i Yope mohaoki hai mokakio mai hadua tobalilo au rahanga Simo au rauli wori Peturu.

Suro 8:26

Ara hadua malaekana Pue au mopahawe lolita ide i Pilipu, nauli, “Laoko ntanda i Lau i rara au hangko i Yerusale monontohi Gasa.” (Rara iti makura rapolumaongi.)

Suro 2:21

I tempo iti, hema-hema au meraroa i Pue batena tehoremahe hangko i huku dosanda.’ ”

Yohane 4:10

Nauli Yesu, “Ane kenuisa kamahilena pewatina Pue Ala hai hemaNa au merapi owai ide, kemerapi woriko owai Iriko, hai Kuweiko owai au mepatuwo.”

Suro 8:22

Menosomoko hangko i tunggaiamu au kadake iti, hai mekakaeko i Pue bona Naampungiko hangko i tunggaiana lalumu au kadake.