Suro 8:9 - Sura Malelaha

⁹ I lalu wanua iti, ara hadua tobalilo au rahanga Simo. Simo iti, hadua topobalimata au mahaemi mampopaita isana au metingkarai i to Samaria. Nauli kaiana tauna au mahile kuasana.

Suro 8:9 교차 참조

Suro 13:6

Suro iti molumaohihe ope-ope boea i humalele lewuto iti duunda hawe i boea Pafos. Inditi mampohidupaahe hadua to Yahudi, hangana Baryesus. I lalu basa Yunani hangana Elimas. Elimas iti, hadua topobalimata au mouli kaiana nabina Pue Ala. Ia rangana Sergius Paulu, gubernur i lewuto iti. Gubernur iti hadua tauna au mapande ntepuu. Mewali, kahawenda Baranaba hai Saulu, liliu nakakiohe gubernur iti, lawi napeinao mohadi Ngkorana Pue Ala. Agaiana Elimas moewa Baranaba hai Saulu hai mosapuaka paturonda bona dati iti au napoinalai Gubernur.

Suro 5:36

Lawi bahangkia parena liu, ara hadua tobalilo au rahanga Teudas au mopahawe kaiana tauna au makuasa. Mewali, bosa tauna meula iria, ba aratomohe pae iba atuna. Agaiana kahopoana ia rapapate, hai topeguruna mahawuhe, alana pepaturona barapi pulo.

Yohane 7:18

Tauna au mopahawe paturona haduduana, mohaoki pea bona ratoia. Agaiana tauna au mohaoki bona hema au motuduna ratoia, manotomi tauna iti bara modongko.

Suro 8:11

Mewali ope-ope ampu boea meulahe iria, lawi bosa belana tingkarahe moita isana.

Pampetudungia 22:15

Agaiana tauna au kadake, topedoti, topobabehi au merikai, topepapate, topenomba i anitu, topodongko, hai tauna au mampokatana podongkonda, barahe rapaliu mesua i lalu wanua iti.

2 Peturu 2:18

Polololitanda mampemahile, hai bara mobundu. Modiihe lalunda tauna hai peundeanda au merikai alana tauna iti rapakanawohe, moleri tauna iti bara manihe mahae mopalehi babehianda au kadake.

2 Timotiu 3:5

Ane i petotokinda ranganda, babehianda mampeulai mpuuhe atura-atura agama nodohe tauna au mengkoru i Pue Ala, moleri mosapuakatohe kuasana Pue Ala au peisa mobaliki lalunda. Tauna au nodo babehianda, ineehe nupogaloa.

2 Timotiu 3:2

Bosa tauna ina mampokakaia peahe watanda haduduanda, mampeinaohe mewali topebuku, mampopetoiahe, mampemahilehe, hai mokakabosaihe ranganda. Barahe mengkoru i tosaenda, bara raisa manguli ngkaia kamaroana i Pue Ala, hai barahe mobila Pue Ala.

2 Tesalonika 2:4

I lalu pampemahilena Manusia Kadake iti ina meewa hai mampeiwongko hangko i ope-ope au rapenombai manusia. Hai ia ina mohuda wori i Souna Pue Ala hai nauli kaianami Pue Ala.