33 Roo indo, mololita mbuli Pue Ala i Musa: ‘Nuwosui kandupamu, lawi tampo au nupeangkai iti, iami tampo au malelaha.
Ikamimi au mohadi wotuna Pue Ala au hangko i suruga i tempoki ara hihimbela hai Yesu i wongko bulu au malelaha.
Nauli mbuli Yohane, “Kuriukau hai owai, tanda pampenosoimimi dosami. Agaiana ina hawe hadua tauna au meliu kuasaNa hangko iriko. Mogalori mowosui peana kandupaNa, barana hintoto. Ia au ina moriukau hai Inao Malelaha hai api.
