Suro 5:4 - Sura Malelaha

⁴ Hangko damani nupobalu tampo iti, oio ampuna. Hai ane nupobalumi, holona oioto wori ampuna. Oio wori au mopakanoto hangkia au nupopenomba. Mewali, noumbari pane ara tunggaiana lalumu mobabehi nodo? Bara tauna au nudongkoki agaiana Pue Alari!”

Suro 5:4 교차 참조

Suro 5:3

Ido hai mololita Peturu i Ananias, nauli, “Ananias, Datu Tokadake au mokuasai lalumu! Mampodongkoamoko Inao Malelaha, lawi nuuli doi holo tampomu nuhuhumi ope-ope, moleri nuwolito hanggaa!

1 Tesalonika 4:8

Ido hai ane ara tauna au mosapuaka paturo ide, bara manusia au nasapuaka, agaiana Pue Alari au nasapuaka! Tunggaiana Pue Ala moweike Inao Malelaha bona malelaha tuwonta.

Suro 5:9

Nauli Peturu, “Moapari hai hampepekirikau hamboko i babehiami iti? Ba nipeinao pae mampetandaka Inaona Pue? Peita! Tauna au hangko roohe motawu tobalilomu, oloumohe i baba. Ina rakowa woriko lao ratawu.”

Lukasi 10:16

Roo indo, mololita mbuli Yesu i topeguruNa, Nauli, “Hema au modoko lolitami, himbelami lolitaNgku au nadoko. Hema au mosapuakakau, himbelami Iko au nasapuaka. Hai hema au mosapuakaNa, himbelami Pue Ala au nasapuaka, lawi Ia au motuduNa.”

Yakobu 1:15

Ane mampeulaike peundeana lalunta, batena mobabehike dake. Hai ane iti au tababehi liliu, kahopoana ina naantike i kapate.

Pilemo 1:14

Agaiana bara turu inaongku motaha inde ane bara mani himbela pekirinta. Peundeaku bona apa au nubabehi, nubabehi mpuu hangko i lalumu. Barako kupari-paria moula peundeaku.

1 Korintu 8:8

Katouana, bara paande iti au moantike hungku i Pue Ala hai bara worike naanti karao hangko i Pue Ala. Ane taande, barake morasi. Ane bara taande, bara worike marugi.