Suro 5:17 - Sura Malelaha

¹⁷ I tempo iti, Tadulako Mpenomba Mahile hai rangana au mampeulai paturonda toSaduki, mahina mpuuhe i surona Pue Yesu. Ido hai rapepongkami tunggaianda.

Suro 5:17 교차 참조

Suro 13:45

Roo indo, mahinamohe to Yahudi moita kabosana tauna au mampehadingi lolitana Paulu. Ido hai rapapakoi hai rasapuaka ope-ope lolitana.

Suro 17:5

Agaiana to Yahudi au bara mepoinalai, mahinahe i Paulu hai Silas. Ido hai mokakiomohe tauna au lohehe mobago hai au mohuda-huda peahe i pobalu-balua. Bosamohe teruhu, hai mobabehimohe silaka i lalu wanua. Kahawenda i sou au rapaidai Paulu hai Silas, pesuanda peami. Tunggaianda mohakahe Paulu hai Silas hai raanti lao i lindonda tauna bosa,

Suro 7:9

Toiorunta iti mahinahe i Yusupu halalunda, ido hai rapobalumi bona rapohawi i tampo Masiri. Agaiana Pue Ala mamporangai Yusupu,

1 Peturu 2:1

Mewali, halalu, anti kamolambimimi katuwo au wou, hangangaa nikabaha hinangkana babehiami au kadake hai ope-ope lolita au mepakanawo. Ineekau mengka-mengka, ineekau mahina, ineekau mepakadake.

Yohane 12:10

Indo mogombomohe kapala-kapala tadulako mpenomba, mampololita tunggaianda ina mopapate Lasaru.

Matiu 27:18

Pilatu manguli nodo lawi naisa tunggaianda tadulakonda to Yahudi au mohuhu Yesu iria anti kamahinana lalunda.

Yakobu 4:5

Inee nipehangu bara ara tunggaiana au teuki i lalu Sura Malelaha node: i watanta ide, Pue Ala moweike inaonta, hai Pue Ala mohiri ane barake tetida Iria.

Galatia 5:21

mahina, malangu-langu, mosusa-susahe barapi ara hokana, hai ara mani wori au ntanina. Mewali, ope-ope iti, kupopaingaa mbulikau nodo au kuuliangaamokau hangkoia: hema-hema au mobabehi nodo, barahe ina maida hihimbela hai Pue Ala i lalu poparentaNa.

Suro 15:5

Agaiana ara worihe bahangkia toParisi au mepoinalaimohe i Yesu meangkahe mololita, rauli, “Tauna au barahe to Yahudi au mepoinalai i Yesu, hangangaa ratile hai ratuduhe mampeulai Aturana Musa!”

Suro 4:26

Ope-ope datu hai tadulako i dunia mopahintuwuhe pekirinda moewa Pue hai Datu au napilei Pue.’

Suro 4:6

Ara worihe i pogombo iti Tadulako Mpenomba Mahile Hanas, Kayapas, Yohane, Aleksander hai halaluna Tadulako Mpenomba Mahile.

Yohane 12:19

Molololitamohe toParisi, hadua hai hadua rauli, “Manangimoke dide! Peita, ope-ope tauna i dunia meulamohe Iria.”

Matiu 3:7

Bosa wori tadulako agama Yahudi au rahanga toParisi hai toSaduki maihe mampoperiu i Yohane. Kanaitanda hawe, nauliangaahe, “Ikamu au motengko babehiami, moapari hai maikau? Ba nipehangu peisakau tekabaha hangko i karumpuna Pue Ala au ina morumpakau?

Suro 5:16

Mewali, mokoloromohe tauna hangko i boea-boea au hungku, laohe i wanua Yerusale moanti halalunda au mahai hai tauna au napesuangi seta. Ope-opehe rapakaoha.