10 Mewali bona niisa, hai bona raisa wori ope-ope halalunta to Yahudi, tauna ide maoha hai nabuku meangka inde anti kuasana Yesu Kerisitu to Nasare. Yesu iti nipaku i kau mombehape, agaiana Pue Ala mopatuwo hule.
Hangko inditi, napahopomi Peturu lolitana, nauli, “Mewali, ido hai ikamu to Yahudi, hangangaa nipakanoto i lalumi apa au kuuli ide: Yesu au nipaku i kau mombehape, Iami au napilei Pue Ala mewali Amputa hai Datu Topehompo.”
Roo indo, nauli mbuli Paulu irihira, “Halalu bona niisa, ara Ngkora Marasa au mopakanoto rarana Pue Ala mohorema tauna hangko i huku dosanda. Ngkora Marasa iti rapahaweamohe tauna au bara to Yahudi. Ihirami au ina modoko bambari iti!”
Agaiana nauli Peturu, “Bara ara doi irikami. Agaiana apa au ara irikami, iti au kiweiko: i lalu hangana Yesu Kerisitu to Nasare, peangka hai lumaomoko!”
TuwoNa malelaha nodo Pue Ala hai i pearona hangko i olo tomate, mewali hambua tanda kuasa au mopatongawa, Yesu Kerisitu Amputa iti, iami Anana Pue Ala.