Suro 3:8 - Sura Malelaha

⁸ Mesendemi meangka, hai molumao node hou node mai. Roo indo, mesuami i lalu Souna Pue Ala hihimbela hai Peturu hai Yohane, molumao hai melumpa-lumpa motoia Pue Ala.

Suro 3:8 교차 참조

Suro 14:10

Mewali, mololitami Paulu masisimbuku iria, nauli, “Meangkamoko!” Liliu topalu iti mesende meangka pane molumaomi.

Lukasi 6:23

Iti au rababehi worimi toiorunda i nabi-nabina Pue Ala hangkoia. Mewali, ane iti au rababehiakau, mesende-sendekau anti kamatanana lalumi. Hangangaa matanakau lawi mahile hurungina au ina nihumba i lalu suruga.

Yohane 5:14

Bara mahae hangko inditi, Yesu mampohidupaa tauna iti i Souna Pue Ala, hai Nauliangaa, “Ide-ide maohamoko; ineemoko mobabehi dosa bona datiko narumpa ba apa-apa au meliu kakadakena.”

Lukasi 18:43

Unga pea meita. Hangko indo, liliu meula i Yesu hai motoia Pue Ala. Hai ope-ope tauna au moita apa au mewali, motoia worimohe Pue Ala.

Suro 3:7

Hangko inditi, Peturu mokingki taie koanana topalu iti bona meangka. Unga pea maroho bitina.

Suro 19:16

Tauna au napesuangi seta iti unga pea melumpaki hai mehaka. Bara rabuku moewa, lawi maroho. Ido hai melangkahe hangko i sou iti hai wata au bela-bela hai barapohe mehampi, lawi hampinda nahepa-hepami.