Suro 28:8 - Sura Malelaha

⁸ I tempo iti, umana Publius napawembe hai mahai taina. Ido hai laomi Paulu i paturuana umana Publius, napaga, hai napekakaea. Unga pea maoha.

Suro 28:8 교차 참조

Suro 9:40

Agaiana ope-ope tauna au ara i lincu iti napopelohohe Peturu, hai molingkudumi mekakae. Roo mekakae, melindomi i tomate iti, hai nauli, “Tabita, mearomoko!” Unga pea tebungkahi matana. Kamoitana Peturu, liliu mohuda.

Markus 6:5

Inditi Yesu bara peisa mobabehi ngkaia tanda kuasa. Bahangkia pea tomahai au Natobo bona maohahe.

Markus 16:18

Nauri mokingkihe ile, ba maenuhe rasu, agaiana barahe ina moapa-apa. Ane motobohe tauna au mahai, tomahai iti batena ina maoha.”

Matiu 9:18

Tangana mani Yesu mololita i topeguruna Yohane Toperiu, hawemi hadua tadulako sou penombaanda to Yahudi molingkudu i lindona Yesu merapi tulungi, nauli, “Anangku towawine hangko mate. Laoke i soungku, Nupetobo bona tuwo hule.”

1 Korintu 12:28

Hai irikita au mepoinalai, Pue Ala mopakanotomi bona hadua-hadua ara bagona, kaisa arahe au mewali suroNa, kadua arahe au mopahawe NgkoraNa, hai katalu arahe au mepaturo. Ara worihe au Nawei kuasa mobabehi tanda kuasa. Arahe au Nawei kuasa mepakaoha, arahe au molambi kapande motulungi hangka ranganda, arahe au mewali tadulako, arahe au molambi kapande mololita i lalu basa au hangko i Inao Malelaha.

1 Korintu 12:9

I tauna ntanina, Nawei pepoinalai au maroho. Hai i tohaduana, Inao Malelaha mowei kuasa mepakaoha.

Matiu 10:8

Nipakaoha tauna au mahai, nipatuwo tauna au mate, nipakaoha tauna au kehaki tangga, nipopeloho seta au mampesuangi tauna. Ope-ope pewati nawei mberokau Pue Ala. Mewali, hangangaa niwei mbero worihe rangami pewati iti.

Matiu 10:1

Yesu mokakio topeguruNa au hampulo hai rodua, hai Naweihe kuasa mampopeloho seta hai mopakaoha ope-ope tauna au mahai hai au bara masilolonga watanda.

Lukasi 13:13

Roo indo, Yesu motobo towawine iti. Unga pea manoto bengona, meangkami, hai liliu motoia Pue Ala.

Lukasi 4:40

Tampumi alo, bosa tauna laohe i Yesu, moanti ope-ope halalunda au mantodiha ngkaia pakana haki. Natobomohe Yesu ope-ope hai Napakaohahe.

Markus 7:32

Inditi, arahe tauna au moanti hadua tobongo au bara wori peisa mololita. Merapihe i Yesu bona tauna iti natobo.

Markus 5:23

merapi tulungi, nauli, “Anangku towawine ina matemi. Laoke i soungku, Nupetobo bona maoha hai batena pea woia tuwo.”

Matiu 12:13

Roo indo, Yesu mouliangaa tauna au mate taiena, “Ona taiemu!” Naona mpuumi taiena, liliu maoha, hai maroho hule nodo taiena au hambali.

Suro 28:7

Bara karao hangko inditi, ara halimbo bonde, bondena Publius, gubernur i lewuto iti. Anti kamaroana laluna, nakakiomongkai lao i souna, hai napotorarengkai i lalu talu alona.

Suro 28:9

Roo indo, ope-ope tauna au mahai i lewuto iti maihe merapi tulungi i Paulu, hai napakaoha hahahe hangko i hakinda.