Suro 28:15 - Sura Malelaha

¹⁵ I tanga rara maningkai, halalu hampepepoinalaingki au i Roma mohadihe kaina hawengki. Ido hai maimohe mepohidupaa i Pobalu-balua au rahanga Apius hai i Sou Pehupea Talu. I pohidupangki iti, Paulu motoiami Pue Ala, hai rapamatana laluna.

Suro 28:15 교차 참조

Ibarani 13:3

Hangangaa mokatuinaokau rangami au i lalu tarunggu. Hangangaa nihalea kaparinda nodo worikau ratarunggu hihimbela hai ihira. Hai nitulungihe tauna au rapopeahi-ahi anti pepoinalainda. Hangangaa nihalea kamaparinda nodo worikau au rapopeahi-ahi hihimbela hai ihira.

Galatia 4:14

Agaiana kehapiri meringkui hakingku iti, bara mpuuna nikaraohi ba nipokarika. Nidoko maroana, nodokau modoko hadua malaeka ba nodokau modoko Kerisitu Yesu.

Suro 21:5

Agaiana i temponami kapala tahi iti meangka, kiulimi batengki pea liliu lao i Yerusale. Mewali, ope-ope rangangki hai towawinenda hai ananda raporangaingkai lao i raoa wanua. I wiwi ntahi, molingkudu sambelamongkai hai mekakae.

Suro 10:25

Kahawena Peturu i souna Kornelius, molingkudumi Kornelius menomba iria.

Yohane 12:13

Mangalamohe tawe harao, hai laohe modupa Yesu. Monganga-nganga liliuhe, rauli: “Tetoiami Pue Ala! Rawatimi tauna au mai i lalu hangana Pue! Pue Ala mowati Datunda to Isaraeli!”

1 Tesalonika 3:7

Kakihadina bambari au naanti Timotiu, tepalindomongkai halalu. Nauri rapopeahi-ahingkai hai molambingkai kapari inde, tepalindo lalungki mohadi kamarohona pepoinalaimi.

2 Korintu 2:14

Agaiana kuuli ngkaia kamaroana i Pue Ala, lawi anti pohintuwuta hai Kerisitu, menangike, hai Ia mewali tadulakonta au monini liliuke. Iumba pea kalaoangki, mopahawengkai Ngkora Marasa i ope-ope tauna bona peisahe moisa Pue Ala. Ngkora Marasa iti peisa rapandiri nodo lana mawongi.

Suro 1:15

Hambela tempo, tauna au teruhu ba aratohe pae hangatu rompulo. I tempo iti, meangkami Peturu mololita i olonda halalu hampepepoinalaina, nauli,

Suro 10:23

Roo indo, Peturu mokontohe tuduana Kornelius mohambengi i souna. Mohambengi mpuumohe inditi. Kahalona madondo, meangkami Peturu meula irihira lao i boea Kaisarea. Hai ara wori bahangkia halalu hampepepoinalaina hangko i Yope au lao sambelahe.

Suro 11:1

Ope-ope surona Pue Yesu hai halalu hampepepoinalainda au ntanina au ara i Yudea mohadi kaaranda tauna au barahe to Yahudi au modoko worimohe Ngkorana Pue Ala.

Suro 11:12

I tempo iti, Inao Malelaha mouliangaana: ‘Peturu, ineeko mampopontani tauna; peulamide irihira.’ Mewali, lao mpuumona hihimbela hai ihira. Hai ara wori sabingku inde, lawi halalunta hampepepoinalai au inihe ide mamporangaina lao i Kaisarea. Kahawengki i souna Kornelius, mesuamongkai i lalu.

Suro 12:17

Hangko inditi, Peturu moangka taiena mopakandiihe, hai natuntuamohe noumba kanapopesuwuna Pue hangko i lalu tarunggu. Napahopomi Peturu lolitana hai naperapi, nauli, “Apa au mewali iti, nipahawe wori i Yakobu hai i halalunta hampepepoinalai au ntanina.” Roo indo, meangkami Peturu lao i paidaa ntanina.

Suro 28:14

Inditi mampohidupaangkai bahangkia halalu hampepepoinalaingki. Rakakiongkai lao i sounda hai rapotorarengkai i lalu haminggu. Hangko inditi, molumaomongkai lao i Roma.