Suro 27:37 - Sura Malelaha

³⁷ Ope-ope tauna au ara i kapala tahi iti, kabosanda rongatu pitu pulona hai ini.

Suro 27:37 교차 참조

Suro 2:41

Bosa tauna au mampoinalai lolitana Peturu, pane laomohe rariu. I alo iti, kabosana tauna au mepoinalai i Yesu, tetambaimi ba aramohe pae talu sabuna.

1 Peturu 3:20

Ihira iti ratarunggu anti pesapuakanda i Pue Ala hangkoia i tempona mani Noho tuwo. Tongawami kasabarana Pue Ala, lawi Ia mampegia katebalikina lalunda tangana Noho mobabehi duanga mahile. Agaiana kahopoana, Pue Ala molaboa dunia hai owai. Ualu peahe tauna au mesua i lalu duanga mahile hai au Nahorema hangko i kapate.

Roma 13:1

Ope-ope tauna hangangaa mengkoru i topoparenta. Lawi bara ara topoparenta au bara molambi kuasa hangko i Pue Ala. Hai topoparenta au ara napakanotomi Pue Ala.

Suro 7:14

Roo indo, Yusupu motewai Yako umana hai ope-ope halaluna bona melimbahe i tampo Masiri. Kabosanda tauna au melimba lao i Masiri, pitu pulona hai lima.

Suro 27:38

Karoonda maande, motendemohe pare antia kapala i tahi. Tunggaianda bona kapala tahi mangaa haodi.