31 Agaiana Paulu moita apa au rababehi iti, ido hai mouliangaa tadulako hai surodadonahe, “Ane topobago iti mopalehihe kapala tahi, bara mpuukau ina tuwo!”
Agaiana tadulako surodado iti bara mampoinalai lolitana Paulu, lawi rumihi pampoinalaina lolitanda topoguli hai ampu kapala tahi.
Ope-ope tauna au naweimoNa UmaNgku, batenda mai Iriko. Hai hema pea au mai Iriko, batena Kudoko hai bara Kusapuaka.
Hangko inditi, topobago i kapala mampeinaohe melangka ngkandii hangko i kapala. Mengka-mengkahe mampopendaulu bahangkia pantio ntanda i lindo, mole mampopendaulurihe duanga kokoi.
Mewali surodado iti mobotukimi popeulu duanganda au kokoi, alana duanga iti manawo hai rapalikangaa maili.
Roo indo, motudu worihe tauna au bara raisa monangu bona moalahe pata ba kapengka kapala rapotinanto lao i lorena. Ido hai hawe hahangkai i lorena.
