Suro 27:3 - Sura Malelaha

³ Kahalona, mehupengkai i wanua Sidon. Maroa mpuu laluna Yulius i Paulu, ido hai Paulu nawei katepaka mosondaki rangana i lalu wanua bona apa au naparaluu peisa rawei.

Suro 27:3 교차 참조

Suro 24:23

Roo indo, mampohawaami tadulakonda surodado bona mokampai Paulu. Agaiana nauri rakampai, bara nodo tauna au ratarunggu. Lawi peisato molulumao, hai rangana rapaliuhe lao mowei apa au naparaluu.

Suro 28:16

Kahawengki i Roma, Paulu barapi ratarunggu. Ia rapaliu maida sadudua i sou, agaiana nakampai liliu hadua surodado.

Suro 27:43

Agaiana nakontohe tadulakonda, lawi naunde bona Paulu inee rapopoapa. Ido hai motudumohe tauna au raisa monangu melumpa ioru i tahi hai monangu lao i lorena.

Suro 27:1

Roo indo, rapakanotomi ina mosumombangkai lao i tampo Italia. Paulu hai bahangkia tauna ntanina au ratarunggu rahuhumi i Yulius, tadulakonda surodado to Roma au rapatokami mobago i Kaisar.

Suro 12:20

Hambela tempo rumpumi Herode i to Tirus hai to Sidon. Mogombomohe to Tirus hai i to Sidon iti, hai laohe hihimbela i Herode. Nguru-nguruna moore-orehe Blastus, topobago i souna Herode, bona ntanda irihira. Blastus mamporangaihe lao i datu Herode bona modamehe. Iti rababehi lawi to Tirus hai to Sidon molambihe paandenda hangko i tampo au naparenta Herode.

Matiu 11:21

Nauli Yesu, “Hurewukau to Korasim hai to Betsaida! Ngkaiami tanda kuasa au Kubabehi i boeami, agaiana bara mpuukau menoso hangko i dosami. Ane rapana tanda kuasa iti Kubabehi i lalu wanua Tirus hai Sidon, kemahaemohe menoso hangko i dosanda, nauri barahe to Yahudi. Kemangalamohe waru ngkasusa rapohampi, hai watanda raawui, tanda katebalikinami lalunda.