24 Nauli malaeka iti node: ‘Paulu, ineeko langa. Lawi batemu ina lao molindo Datu Mahile Kaisar. Hai anti kamaahina Pue Ala irio, ope-ope tauna au hihimbelakau i lalu kapala tahi ina tehorema worihe.’
Kaindi iti, i karombenginami Paulu i sou surodado iti, unga pea Pue Yesu meangka i holana Paulu, Nauli, “Pakaroho lalumu. KuposabimoKo inde i Yerusale, hai batena ina kuposabi woriKo i wanua Roma.”
Ineekau mampokalanga tauna au peisa peahe mopapate watami, lawi bara ara kuasanda mohukukau hawe i hae-haena. Au hangangaa nipokalanga iami Pue Ala, lawi Ia au makuasa motendekau i lalu naraka.
Agaiana, Nauli mbuli Pue Yesu i Ananias, “Hangangaa laoko! Lawi Saulu iti, Kupileimi mewali topobagoNgku. Ia ina mopahawe hangaNgku i to Yahudi hai i tauna ntanina hawe-hawe wori i datu.
KakuitaNa, liliu tepalumbana i bitiNa, nodomona mate. Hangko inditi, Naonami taie koanaNa i watangku hai Nauliangaana, “Ineeko langa. Ikomi au pepongkana hai au kahopoana.
Ane tou mpuu ara salangku au hintotona rahukua mate, bara moapa rapapatena. Agaiana ane bara tou popahawenda to Yahudi, bara ara hadua tauna au peisa mohuhuna i lalu taienda. Hangangaa kupahawe kara-karangku i Kaisar!”
Liumi au mewali iti, Paulu moliwo lao i tampo Makedonia hai Akaya, hai roo indo ina lao wori i wanua Yerusale, nauli, “Roona i Yerusale, hangangaa laona i wanua Roma.”
Nauliangaahe Yesu, “I lalu hangaloa, bara pae hampulo hai rojaa? Tauna au molumao mabaa, barahe ina tehube. Moitahe raranda, lawi ara pewangka mopamabaa dunia ide.
Anti peulami Iriko, ikamu ina rahuhu i topoparenta hai i datu-datu. I tempo iti, ina raweikau katepaka mopahawe kana i pepoinalaimi Iriko i lindonda topoparenta hai i tauna au bara manihe moisa Pue Ala.
Agaiana Paulu moita apa au rababehi iti, ido hai mouliangaa tadulako hai surodadonahe, “Ane topobago iti mopalehihe kapala tahi, bara mpuukau ina tuwo!”
Hai kuperapi wori bona nupasilolongaana haogu lincu i soumu, lawi kuharunga Pue Ala ina mohanai pekakaemi bona tekabahana hangko i tarunggu ide, alana peisakau kusondaki.
