Suro 26:11 - Sura Malelaha

¹¹ Bosa belanda kupopeahi-ahi i lalu sou penombaa, hai kupari-parihe mosapuaka pepoinalainda i Yesu. Masodo mpuuna moitahe, ido hai hawena i boea-boea au karao mampopeahi-ahihe.”

Suro 26:11 교차 참조

Suro 22:19

Kuhanai, ‘Pue, hangangaa radokona. Lawi tauna inde moisa mpuuhe babehiangku hangkoia. Raisa noumba kalaongku i sou penombaa mohaka hai mopapahaihe tauna au mepoinalai Irio.

Suro 13:45

Roo indo, mahinamohe to Yahudi moita kabosana tauna au mampehadingi lolitana Paulu. Ido hai rapapakoi hai rasapuaka ope-ope lolitana.

Matiu 10:17

Mainga-ingakau, lawi ikamu ina rahaka hai raanti lao i tadulako agama. Ina rapopeahi-ahiakau i lalu sou penombaa.

Suro 22:5

Tadulako Mpenomba Mahile hai ope-ope tadulako agama peisa mopakanoto katouna ide lolitangku. Barana modongko, lawi hangkoia ihirami au moweina sura kuasa au mopaliuna lao i halalunta to Yahudi i wanua Damsik. Tunggaiaku lao i Damsik bona mohakana to Sarani au ara inditi, hai kuantihe i Yerusale bona rahuku.”

Suro 9:1

I tempo iti, koi ntepuu inaona Saulu, hai napeinao peami mampopalanga hai mopapate tauna au mepoinalai i Pue Yesu. Ido hai laomi i Tadulako Mpenomba Mahile

2 Peturu 2:16

Bileam iti iami nabina Pue Ala, hai Pue Ala mowei kuasa i kalidena bona nabuku mololita nodo manusia. Anti babehiana Bileam au sala, ia nakambaroa kalidena alana barapi mewali tunggaiana au bara mesua akala.

Yakobu 2:7

Bara pae ihirami au mopapakoi hangana Pue Yesu au tebila hai au mewali Amputa?

Suro 18:6

Agaiana to Yahudi i wanua Korintu mosapuaka hai mopakoi liliuhe paturona. Ido hai Paulu motaronta awu hangko i hampina hai nauliangaahe, “Ane nahukukau Pue Ala, barapi iko au mohuru! Batenami ikamu! Mewali mepongka ide-ide, kupalehimokau, laomona mobambari Ngkora Marasa i tauna au barahe to Yahudi!”

Lukasi 21:12

Agaiana hangko damani ope-ope iti mewali, ikamu ina rahaka hai rapopeahi-ahi. Ina rasalaikau i lalu sou penombaa hai ratarunggukau. Anti peulami Iriko, ikamu ina rahuhu i datu hai topoparenta.

Lukasi 15:17

Kahopoana, mokatuinaomi umana, hai nauli laluna, ‘I souna umangku, mogalorihe topobago, melabi-labi paandenda, agaiana iko, ina mateohomona inde.

Lukasi 6:11

Hangko indo, rumpu ntepuumohe guru agama hai toParisi. Ido hai mogombomohe mohaoki akala, ba apa au ina rababehi i Yesu.

Markus 13:9

Agaiana ikamu, mainga-ingakau! Lawi ikamu ina rahaka hai raanti lao i topebotusi agama Yahudi. Ina rapopeahi-ahikau i lalu sou penombaa. Anti peulami Iriko, ina rahuhukau i gubernur hai i datu. Indo, ina raweikau tempo mopahawe kana i pepoinalaimi Iriko.

Markus 3:28

Mewali bona niisa: ope-ope dosa hai lolita pesapuaka peisa raampungi.