Suro 25:12 - Sura Malelaha

¹² Kanahadina Festus lolitana Paulu, mololitami i hangka tadulakona. Roo indo, mouliangaa Paulu, “Anti pamperapimu mopahawe kara-karamu i pebotusiana Kaisar, batena ina lao mpuuko i wanua Roma molindo Kaisar.”

Suro 25:12 교차 참조

Pilipi 1:20

Peundeaku hai peharungangku hangangaa mampopolumaona bagongku au napatokami Pue Ala iriko i karoa-roakana datina maea. Kuharunga ina baina mopahawe liliu posabingku, pelumbunami ide-ide bona mampomahilena hangana Kerisitu, maroa i tuwongku, maroa i kapatengku.

Suro 19:21

Liumi au mewali iti, Paulu moliwo lao i tampo Makedonia hai Akaya, hai roo indo ina lao wori i wanua Yerusale, nauli, “Roona i Yerusale, hangangaa laona i wanua Roma.”

Suro 28:16

Kahawengki i Roma, Paulu barapi ratarunggu. Ia rapaliu maida sadudua i sou, agaiana nakampai liliu hadua surodado.

Suro 26:32

Roo indo, mololitami Datu Agripa i Festus, nauli, “Moleri, tauna iti peisami rakabaha, ane kebara mohawira kara-karana i Kaisar.”

Suro 25:21

Agaiana naperapi bona kara-karana rapahawe i Datu Mahile Kaisar. Hai naperapi wori bona rakampai duuna kara-karana nabotusi Kaisar. Ido hai kutudumi bona Paulu rataha liliu duuna raanti lao i Kaisar.”

Suro 23:11

Kaindi iti, i karombenginami Paulu i sou surodado iti, unga pea Pue Yesu meangka i holana Paulu, Nauli, “Pakaroho lalumu. KuposabimoKo inde i Yerusale, hai batena ina kuposabi woriKo i wanua Roma.”

Matiu 22:17

Guru, ido hai kiperapi bona Nuuliangaangkai, noumba pelambiaMu: moula atura agamanta, ba hangangaa mobaiarike asele i Kaisar, ba bara?”

Suro 25:11

Ane tou mpuu ara salangku au hintotona rahukua mate, bara moapa rapapatena. Agaiana ane bara tou popahawenda to Yahudi, bara ara hadua tauna au peisa mohuhuna i lalu taienda. Hangangaa kupahawe kara-karangku i Kaisar!”

Suro 25:13

Bahangkia alona hangko inditi, laomohe Datu Agripa hai Bernike adina i wanua Kaisarea mampombelambia Festus anti karaangkana mewali gubernur.

Suro 27:1

Roo indo, rapakanotomi ina mosumombangkai lao i tampo Italia. Paulu hai bahangkia tauna ntanina au ratarunggu rahuhumi i Yulius, tadulakonda surodado to Roma au rapatokami mobago i Kaisar.