11 Ane tou mpuu ara salangku au hintotona rahukua mate, bara moapa rapapatena. Agaiana ane bara tou popahawenda to Yahudi, bara ara hadua tauna au peisa mohuhuna i lalu taienda. Hangangaa kupahawe kara-karangku i Kaisar!”
Agaiana arahe to Yahudi hangko i Yudea au moewa liliuna. Ido hai kuperapi bona raweina tempo mohawira kara-karangku i Datu Mahile Kaisar. Nauri nodo, bara ara au kusalaiahe halalunta to Yahudi.
Nauri bara ara salana au kuhumba au hintoto rapapatea. Agaiana anti kanaperapina Paulu bona kara-karana rapahawe i Kaisar i wanua Roma, ido hai kupakanotomi bona Paulu raanti i Datu Mahile Kaisar.
Agaiana naperapi bona kara-karana rapahawe i Datu Mahile Kaisar. Hai naperapi wori bona rakampai duuna kara-karana nabotusi Kaisar. Ido hai kutudumi bona Paulu rataha liliu duuna raanti lao i Kaisar.”
Hangkoia to Yahudi iti mopapatehe nabi-nabi, hai mopapate worimohe Pue Yesu. Ide-ide ikami wori au rapopeahi-ahi. Barahe napokatana Pue Ala, hai mampoiwalimohe ope-ope tauna.
Nahanai Paulu, “Ide-ide, meangkana i lindona sarungkorona Kaisar, datunda to Roma. Indemi hangangaa rabotusi kara-karangku. Nuisa mpuu, Tua Gubernur, kadana ara salangku i to Yahudi.
Hawemohe inditi, ratakami Paulu bona rapapahai. Ido hai mololitami Paulu i hadua tadulako surodado au ara i holana, nauli, “Peisa pae hadua to Roma rapapahai ane bara mani raparesa hai rabotusi kara-karana?”
Hangko ina mehana Paulu, naulimi Galio, “To Yahudi! Ane tauna au nisalai iti moewa topoparenta Roma ba babehiana kadake ntepuu, ina sabarana mampehadingi popahawemi.
Agaiana nauli Paulu i surodado iti, “Ikami ide to Romangkai. Bara hintoto ane hangko damani rapohuda-hudaa kara-karangki, rapapahaimongkai i lindonda tauna bosa hai ratarunggumongkai! Hai ide-ide nipeinao nipopeangka ngkandiingkai! Bara kiunde! Niuliangaahe, ihirari au hangangaa mai mokabahangkai.”
