Suro 24:24 - Sura Malelaha

²⁴ Bahangkia alona hangko inditi, hawe worimi Gubernur Feliks hai towawinena au rahanga Drusila. Drusila iti to Yahudi. Feliks motudu surodadona moanti Paulu i lindonda bona rapehadingi apa au napahawe kana i pepoinalaina i Kerisitu Yesu.

Suro 24:24 교차 참조

Suro 20:21

Kupopaingaa liliukau, maroa ikamu to Yahudi maroa ikamu au bara to Yahudi bona menosokau hangko i dosami hai mepoinalaikau i Amputa Pue Yesu.

Galatia 2:16

Nauri nodo, kiisa kadana babehiangki au maroa ba pampeulaingki Aturana Musa au mopamanotongkai i peitana Pue Ala. Ane taunde mewali manoto i peitana Pue Ala, hangangaa mampoinalaike Kerisitu Yesu. Ido hai mepoinalaimongkai i Kerisitu bona mewalingkai manoto i peitana Pue Ala. Barapi kiharunga peulanta i Aturana Musa, lawi bara ara hadua tauna au mewali manoto i peitana Pue Ala anti peulana i parenta-parenta au ara i Aturana Musa.

Pampetudungia 14:12

Idomi hai taunana Pue Ala au matunduhe i hawaNa hai au mepoinalai liliuhe i Yesu, hangangaa mantahahe i lalu kapari.

Yudasi 1:3

Halalu au kupokaahi! Nguru-nguruna au kekuukiakau i sura ide iami kana i katehorema au tahumba sambela hangko i Pue Ala. Agaiana ide-ide, tediimi lalungku mobaliki tunggaiaku au nguru-nguruna. Ide-ide kuukiakau sura ide bona nipakaroho pepoinalaimi i paturo au tou hai bona niewa liliuhe tauna au moanti paturo au sala. Lawi Pue Ala mopahawe paturo au tou irikita ope-ope au mewali kiraNa bona iti au tapoinalai, hai paturo iti bara peisa rabaliki.

1 Yohane 5:1

Ope-ope tauna au mampoinalai Yesu iami Datu Topehompo, ihirami au napoana Pue Ala. Hai hema au mampokaahi Pue Ala Umanta, batena mampokaahi wori ope-ope tauna au napoana Pue Ala.

Galatia 3:2

Nikatuinao halalu apa au mewali irikamu hangkoia. Modokokau pae Inao Malelaha anti peulami i Aturana Musa? Bara! Agaiana modokokau Inao Malelaha lawi mohadimokau Ngkora Marasa hai mampoinalaimokau Pue Yesu.

Galatia 2:20

Hai ide-ide barapona tuwo moula peundeaku haduduangku, agaiana Kerisitumi au tuwo i lalu katuwongku. Mewali, tangangku mani tuwo i dunia ide, batengku mepoinalai i Anana Pue Ala au mampokakaiana hai au mokira wataNa rapapate bona mewalina manoto i peitana Pue Ala.

Suro 26:22

agaiana nauri nodo, duuna ide-ide, Nakampaina Pue Ala, Hai peisa manina meangka inde mampololita posabikingku kana i Pue Yesu i ope-ope tauna, maroa i tauna au mapangka lantina, maroa i tauna biasa. Apa au kuuli ide, batena himbela hai apa au rapahawe amimi Musa hai nabi-nabi hangkoia

Suro 16:31

Mehanahe Paulu hai Silas, rauli, “Mepoinalaimoko i Pue Yesu bona tehoremako hangko i pehukuna Pue Ala, oio hai ope-ope tauna au i lalu soumu.”

Lukasi 23:8

Matana mpuu Herode moita Yesu, lawi mahaemi nahadi bambari kana Iria, hai naharunga wori kaina Natudungiana hampaka tanda kuasa au metingkarai.

Lukasi 19:3

Sakeu iti mampeinao mpuu moita Yesu. Agaiana anti kantembena, ia bara peisa moita Yesu, lawi bosa mpuuhe tauna au mogulu inditi.

Markus 6:20

lawi Herode motuduhe surodadona mokampai Yohane i lalu tarunggu. Herode bara bai mopapate Yohane lawi naisa kaiana tauna au manoto laluna hai malelaha tuwona. Ane mohadi lolitana Yohane, wuli mpuu laluna, agaiana matana wori laluna mohadi.

Suro 24:25

Paulu mololita i Feliks node: ikita hangangaa manoto babehianta, hai hangangaa tabuku morempeki peundeana lalunta, lawi ina hawe Alo Pehukuna Pue Ala. Kanahadina Feliks lolita iti, langami, pane nauli, “Nodomi hampai! Laomoko! Kukakio peako deade, ane ara katepakangku.”