Suro 23:35 - Sura Malelaha

³⁵ nauli, “Ane nodo, ina kuparesa mpuu kara-karamu ane hawehe iwalimu.” Roo indo, natudumi surodadona mokampai Paulu i lalu sou mahile au naaro Datu Herode hangkoia.

Suro 23:35 교차 참조

Suro 23:30

Roo indo, kuhadi kaarana tunggaianda to Yahudi au kadake iria. Ido hai Paulu kupopeanti irikita, Tua Gubernur. Hai kuuliangaahe iwalina inde, hangangaa laori rasalai i lindomu.”

Suro 25:16

Agaiana kuhanaihe node: moula aturanda to Roma, tauna au rasalai bara mani peisa rahuhu i iwalina, ane bara mani rapohuda-hudaa kara-karana hai rapopombelindo hai tauna au mosalai. Ia hangangaa rawei wori tempo mopahawe notona.

Matiu 27:27

Roo indo, surodadona Gubernur moantihe Yesu lao i paidaanda i lalu souna Gubernur, hai mokakiohe ope-ope ranganda motoleliki Yesu.

Suro 24:22

Agaiana Gubernur Feliks moisa ntepuu apa au rapoinalai to Sarani kana i Yesu. Ido hai nauli, “Hampa indemi hampai pohuda-hudanta. Kubotusi rai kara-kara ide, ane hawe kapala tadulako surodado Lisias.”

Suro 24:19

Agaiana inditi arahe bahangkia to Yahudi hangko i propinsi Asia. Katouana, keihirari au hangangaa mai mosalaina i Tua Gubernur, ane ara mpuu salangku irihira.

Suro 24:10

Roo indo, Gubernur moonami taiena bona Paulu mololita. Mololitami Paulu, nauli, “Matana mpuuna, lawi raweina tempo mopahawe notongku i lindona Tua Gubernur. Lawi kuisa, i parenami Gubernur mewali topebotusi i tampoki.

Suro 24:1

Lima alona hangko indo, Tadulako Mpenomba Mahile Ananias hai bahangkia tadulakonda to Yahudi lao i Kaisarea hihimbela hai hadua tauna au mapande mololita, hangana Tertulus. Kahawenda inditi, laomohe i lindona Gubernur Feliks mopahawe pesalainda.

Yohane 18:28

Madondo-dondo, Yesu raanti hangko i souna Kayapas lao i souna gubernur. Tadulakonda to Yahudi, barahe mesua i lalu souna gubernur datihe mewali kedai moula atura agamanda, lawi gubernur iti bara to Yahudi. Hai ane mesuahe i lalu souna, barahe peisa moande paande Pasa.

Matiu 2:16

Kanaisana Herode karaakalangina to Mata alo, rumihi ntepuu karumpuna. Ido hai napohawaami surodadona lao mopapate ope-ope anangkoi tobalilo i Beteleme hai i boea au hungku inditi bona Anangkoi au ina mewali datu kana wori rapapate. Naisa mpuu Herode impira pesupana betue iti, lawi napekune hangkoia i to Mata alo. Ido hai natuduhe bona ope-ope anangkoi tobalilo i Beteleme rapapate, mepongka i analei au hangko rapoanaka hawe i anangkoi au romparemi tinuwunda.

Matiu 2:3

Kanahadina Datu Herode bambari iti, tingkara laluna, nodo worihe ope-ope tauna i Yerusale.

Matiu 2:1

I tempona Datu Herode moparenta, Yesu rapoanaka i boea Beteleme i tampo Yudea. I tempo iti, arahe bahangkia tauna au hawe i Yerusale hangko i tamponda au karao ntanda i Mata alo. To Mata alo iti mapandehe mampeita tanda i betue.

Suro 24:23

Roo indo, mampohawaami tadulakonda surodado bona mokampai Paulu. Agaiana nauri rakampai, bara nodo tauna au ratarunggu. Lawi peisato molulumao, hai rangana rapaliuhe lao mowei apa au naparaluu.