Suro 23:20 - Sura Malelaha

²⁰ Nahanai anangkoi iti, nauli, “Tua, arahe to Yahudi au mogombo. Tunggaianda, ina raperapi irio bona kahalo pinoumangku raanti i lindo tadulakonda to Yahudi, rauli bona raparesa mbuli kara-karana.

Suro 23:20 교차 참조

Suro 23:1

Kahawena Paulu i poteruhuanda, ia mototokihe ope-ope tadulako iti, nauliangaahe, “Halalungku! Duuna ide-ide, mengkoruna i Pue Ala moula kabulana lalungku.”

Suro 22:30

Kapala tadulako surodado iti mampeinao moisa ba apa mpuu salana Paulu pane rasalai to Yahudi. Ido hai kahalona, nakakiomohe ope-ope kapala-kapala tadulako mpenomba hai tadulako agama Yahudi au ntanina bona teruhuhe. Roo indo, rakabahami petakana Paulu hai raanti lao rapombelindoa.

Suro 23:6

Naisa Paulu, i olonda tadulako iti, arahe au mampeulai pepaturonda toSaduki, ara worihe au mampeulai pepaturonda toParisi. Ido hai mololita i ope-ope tauna masisimbuku, nauli, “Halalu! Iko toParisina, pemuleanana toParisi. Panena rapohuda-hudaa inde, lawi kupoinalai, tauna au mate, batena tuwo hule.”

Suro 23:19

Mewali, kapala tadulako surodado iti mokingki taiena anangkoi iti, hai naanti lao i raoa, napekune, “Apa au ina nupahawe iriko?”

Suro 23:30

Roo indo, kuhadi kaarana tunggaianda to Yahudi au kadake iria. Ido hai Paulu kupopeanti irikita, Tua Gubernur. Hai kuuliangaahe iwalina inde, hangangaa laori rasalai i lindomu.”