Suro 21:40 - Sura Malelaha

⁴⁰ Mewali, raweimi Paulu tempo bona mololita. Ido hai meangkami Paulu i tuka moona taiena mopakandii tauna bosa. Mandiimohe, mepongkami Paulu mololita i lalu basanda to Yahudi.

Suro 21:40 교차 참조

Suro 12:17

Hangko inditi, Peturu moangka taiena mopakandiihe, hai natuntuamohe noumba kanapopesuwuna Pue hangko i lalu tarunggu. Napahopomi Peturu lolitana hai naperapi, nauli, “Apa au mewali iti, nipahawe wori i Yakobu hai i halalunta hampepepoinalai au ntanina.” Roo indo, meangkami Peturu lao i paidaa ntanina.

Suro 26:14

Madungkamongkai ope-ope hai kuhadimi hambua wotu au mololita iriko i lalu basanda to Yahudi, Nauliangaana: ‘Saulu, Saulu, moapa hai nupopeahi-ahiNa? Mapari mpuu lalumu, lawi moewa liliuko peniniNgku.’

Suro 22:2

Karahadina tauna bosa Paulu mololita i lalu basanda to Yahudi, mandii mpuumohe. Napaliliumi Paulu lolitana, nauli,

Yohane 5:2

I Yerusale hungku i babaka au rahanga “Babaka Dimba”, ara hambua wuhu; i lalu basa Ibarani hangana Betesda. Ara lima mbuana tambale au motoleliki wuhu iti.

Suro 21:35

Kahawenda i tuka sou iti, rumpu ntepuumohe tauna bosa rapeinao mohepa-hepa Paulu, ido hai surodado iti moangkahe Paulu rakowa.

Suro 19:33

Arahe au manguli hadua to Yahudi au rahanga Aleksander au mewali pongkana posisalanda, lawi ia au ratudu to Yahudi meangka mopahawe lolita i tauna bosa. Ido hai Aleksander moangkami taiena mopakandiihe, lawi mampeinao mohowara notona.

Pampetudungia 9:11

Ara datunda au moparentaihe. Datunda iti, iami malaeka au mokampai kabe ngkapate. Hangana i lalu basa Ibarani, iami Abadon. I lalu basa Yunani, Apolion. Lempona, Topegero-gero.

Suro 13:16

Meangkami Paulu hai moangka taiena, mopakandiihe, nauli, “Halalungku to Yahudi, hai ikamu wori au barakau to Yahudi au menombakau i Pue Ala: nipehadingi lolitangku mopatuntu lolitakana toiorunta hangkoia.

Suro 6:1

Kamahae-haea katetetambaiami tauna au meula i Yesu. I tempo iti, ope-ope tauna au mepoinalai i Yesu, to Yahudi peahe, agaiana hanggaahe mobasa Yunani, hai hanggaa worihe mobasa Yahudi. Au mobasa Yunani, mohume-humehe mosalai ranganda au mobasa Yahudi, rauli, “Tobemba towawine au ara irikami barahe molambi kiranda hangko i apa au rakira-kira alo-alona i topeahi-ahi.”

Yohane 19:20

Uki iti rauki i lalu talu pakana basa: basanda to Yahudi, basanda to Roma, hai basanda to Yunani. Bosa to Yahudi mobasa uki i pata iti, lawi popakuana Yesu hungku i wanua.

Yohane 19:17

mopari-parihe Yesu motalondo kau mombehape lao i raoa wanua hawe i Bulu Banga waa. (I lalu basanda to Yahudi hangana Golgota.)

Yohane 19:13

Kanahadina Pilatu lolitanda, moantimi Yesu lao i raoa. Roo indo, mohudami i pohudaa pobotusia i hambua paidaa au rahanga Lanta Watu. (I lalu basanda to Yahudi hangana Gabata.)

Lukasi 23:38

I kau popakua i wongko waaNa, teuki node: IDEMI DATUNDA TO YAHUDI.

Suro 1:19

Ope-ope to Yerusale moisa apa au mewali iti. Ido hai tampo iti rahanga Hakal-Dama. I lalu basa Aram, basanda to Yahudi tempo iti, lempona: ‘Tampo Wahe’.)