Suro 21:39 - Sura Malelaha

³⁹ Nahanai Paulu, “Iko to Yahudina, hangko i Tarsus, wanua au tehanga i tampo Kilikia. Kuperapi bona niwei wongkoia tempo mopahawe lolitangku i tauna bosa.”

Suro 21:39 교차 참조

Suro 22:3

“Iko to Yahudina. Boea karapoanakangku, Tarsus i tampo Kilikia, agaiana hangko koi-koi peamona maidamona inde, i Yerusale. Mosikolana inde, napaguru maroana hadua guru au rabila ntepuu, hangana Gamaliel. Napaturo ntepuuna ope-ope atura au naweihe Musa i toiorunta hangkoia hai madotana mampeulai ope-ope aturana Pue Ala, nodo ikamu.

Suro 9:11

Nauli Pue, “Laomoko ide-ide i souna Yudasi i rara au rahanga Rara Manoto. Nuhaoki i sou iti hadua tauna hangko i wanua Tarsus au rahanga Saulu. Tauna iti ide-ide tangana mekakae,

Suro 6:9

Agaiana ara worihe au moewa Setepanu. Topeewa itihe iami tauna au menomba i sou penombaa au rahanga Sou Libertini (Libertini lempona: tauna au rakabaha hangko i karapohawinda). Ihira iti, to Yahudi au hangko i wanua Kirene hai Aleksandria. Ara worihe to Yahudi hangko i Kilikia hai Asia, au mai moewa hai mampombehehea Setepanu.

1 Peturu 3:15

Agina nipaisare katuwomi i Kerisitu, hai nipangaku kaIana pea Ampumi. Nipasilolonga amimi pehanami i tauna au mekune irikamu kana i peharungami i Pue Ala. Agaiana ane nihanaihe, hangangaa nipamaalusu lolitami hai meadaikau.

Suro 23:34

Karoona Gubernur mobasa sura iti, napekunemi i Paulu katoapana. Kanaisana Gubernur, Paulu hangko i tampo Kilikia,

Suro 23:27

Ara hadua tauna au rahaka to Yahudi hai ina rapapate. Agaiana kuhadi tauna iti to Roma. Ido hai laona hihimbela hai surodadongku, kiala hoholiga hangko i olonda.

Suro 21:37

Ina mesuamohe i lalu sou surodado, nauli Paulu i kapala tadulako surodado, “Ba peisa wongkoia mopahawe irihira hantepo rontepo lolita?” Nauli tadulako surodado iti, “Nuisariwei basa Yunani!

Suro 16:37

Agaiana nauli Paulu i surodado iti, “Ikami ide to Romangkai. Bara hintoto ane hangko damani rapohuda-hudaa kara-karangki, rapapahaimongkai i lindonda tauna bosa hai ratarunggumongkai! Hai ide-ide nipeinao nipopeangka ngkandiingkai! Bara kiunde! Niuliangaahe, ihirari au hangangaa mai mokabahangkai.”

Suro 15:41

Paulu hai Silas mampolumaongi tampo Siria hai propinsi Kilikia, mopakaroho lalunda to Sarani au ara inditi.

Suro 15:23

I lalu sura iti, teuki node: “Ikami, surona Pue Yesu hai penatua-penatua hahalalumi hampepepoinalai au arangkai inde, mopakatungkai sura ide irikamu halalu hampepepoinalaingki au barakau to Yahudi i wanua Antiokia hai humalele Siria, hai i propinsi Kilikia. Tabea!

Suro 9:30

Mewali, karaisana halalu hampepepoinalaina tunggaianda tauna iti, ia raporangaimi hawe i wanua Kaisarea. Hangko i Kaisarea, rapopeangkami lao i wanua Tarsus.