Suro 21:30 - Sura Malelaha

³⁰ Hangko inditi, mogewo-gewomohe tauna i humalele Yerusale, hai mokoloromohe tauna bosa lao i Souna Pue Ala. Rahakami Paulu hai rabisoso hangko i lalu Souna Pue Ala. Roo indo, liliu babaka Souna Pue Ala ratuko.

Suro 21:30 교차 참조

Suro 26:21

Ido hai rahakana to Yahudi i Souna Pue Ala. Rapeinaona rapapate,

2 Korintu 11:26

I lalu polumaongku, bosa belangku hurewu; narumpana owai meumbala. Molambina rugi i taienda topanangka. Rapopeahi-ahina to Yahudi. Rapopeahi-ahina tauna au barahe to Yahudi. Molambina rugi i lalu wanua hai i raoa wanua. Molambina rugi i wongko tahi. Molambina rugi hangko i tauna au mouli kaihirana halalungku hampepepoinalai, agaiana katouana bara!

Suro 19:29

Mewali humalele wanua iti magunego. Hai rame-ramehe tauna bosa lao mohaka Gayu hai Aristarkus. Gayu hai Aristarkus iti iami to Makedonia au mamporangai Paulu i polumaona. Rahakamohe tauna rodua iti hai raantihe lao i sou poteruhua mahile i lalu wanua.

Lukasi 4:29

Meangkamohe mowura Yesu lao i raoa boea. Tunggaianda ina mohumbangahe Yesu bona manawo i tabingke, lawi boeanda i wongko bulu.

Matiu 21:10

Pesuana Yesu i wanua Yerusale, mombekune-kunemohe ampu boea, rauli, “Hema ide?”

Matiu 2:3

Kanahadina Datu Herode bambari iti, tingkara laluna, nodo worihe ope-ope tauna i Yerusale.