Suro 21:11 - Sura Malelaha

¹¹ Ia mangala pampouna Paulu, napopohilu bitina hai taiena haduduana. Roo indo, Agabus mololita, nauli, “Idemi lolitana Inao Malelaha: ampu pampou ide ina rahaka to Yahudi i Yerusale. Ia ina rahilu node, hai rahuhu i tauna au barahe to Yahudi.”

Suro 21:11 교차 참조

Suro 21:33

Kapala tadulako surodado iti lao mohaka Paulu hai motudu surodadona bona motaka taiena Paulu hai rante. Roo indo, ia mekune, “Hema tauna ide? Apa au nababehi?”

Suro 20:23

agaiana au kuisa i ope-ope boea au kupolumaongi, Inao Malelaha mopakanoto kaina rahakangku hai molambina kapari.

1 Peturu 1:12

Hai Pue Ala mampopaisaahe nabi-nabi hangkoia barahe mopahawe bambari kana i watanda haduduanda. Agaiana ikamuri au ratunggai. Hai ide-ide, apa au rapahawe nabi-nabi hangkoia, rapahawemi i kanoto-notoana irikamu, lawi aramohe tauna au mopahaweakau Ngkora Marasa melempo i kuasana Inao Malelaha au hangko i Pue Ala. Mogalori malaeka, mampeinao worihe moisa kana i katuwo maroa au nihumba iti.

Ibarani 10:34

Maahi lalumi i tauna au ratarunggu anti peulanda i Pue Yesu. Ane anu-anumi rarampaki, bara nipokaehua. Agaiana batemi matana, lawi niisa kaarana au rapasilolongaakau i suruga au meliu kamaroana hai au bara mokahopoa.

Ibarani 3:7

Mewali, halalu, hangangaa nipehadingi maroa paturona Inao Malelaha au teuki i lalu Sura Malelaha node: “Alo ide ane mohadikau wotuna Pue,

2 Timotiu 2:9

Anti popahawengku Ngkora Marasa, ido hai narumpana kapari, duuna ratakana inde i lalu tarunggu nodo hadua tauna au kadake. Agaiana Ngkorana Pue Ala bara tetaka.

Epesu 6:20

Anti pobambaringku Ngkora Marasa iti, ide-ide ratarungguna. Mewali, nipekakaea wongkoia bona bai peana mopahawe Ngkora Marasa moula kahihintotoana.

Epesu 4:1

Halalu, nihadimi ope-ope paturongku. Ide iko, au ratarunggu anti pobagongku i Pue Ala, kuperapi mpuu irikamu bona mobabehikau apa au hintoto rababehi anana Pue Ala, lawi Nakakiomokau mewali anaNa.

Epesu 3:1

Ido hai, iko Paulu, ratarungguna lawi moantina Ngkora Marasa kana i Kerisitu, irikamu au barakau to Yahudi.

Suro 28:25

Anti posisalana pelambianda, ido hai magaramohe hangko i poteruhuanda iti. Agaiana hangko damanihe mogaa-gaa, nauliangaahe Paulu node, “Hintoto mpuu apa au nauli Inao Malelaha au napahawe nabi Yesaya i toiorunta hangkoia, node:

Suro 28:20

Kukakiokau maina nipohidupaa lawi kupeinao kupololitaakau kana i pepoinalaingku i Datu Topehompo au rapepegiami to Yahudi. Ido hai pane ratahana inde.”

Suro 28:17

Liumi talu alona, Paulu mokakio totosaenda to Yahudi bona mai rapohidupaa. Kahawenda, mololitami Paulu irihira nauli, “Halalu-halalu, barato wongkoia masala i hangka to Yahudinta hai bara worina moliungi adanda toiorunta. Agaiana nauri nodo, batengku rahaka i Yerusale hai rahuhuna i topoparenta to Roma.

Suro 26:29

Nahanai Paulu, “I tempo au hampalai ba i tempo au mahae, mekakaena i Pue Ala bona Datu hai ope-ope tauna au mampehadingi lolitangku alo ide ina mewali nodo iko, agaiana inee peakau hawe ratarunggu.”

Suro 24:27

Liumi rompare, Gubernur Feliks napahurumi Perkius Festus. Anti kanapeinaona Feliks mangala lalunda to Yahudi, ido hai Paulu napogiangaa ratarunggu liliu.

Suro 22:25

Hawemohe inditi, ratakami Paulu bona rapapahai. Ido hai mololitami Paulu i hadua tadulako surodado au ara i holana, nauli, “Peisa pae hadua to Roma rapapahai ane bara mani raparesa hai rabotusi kara-karana?”

Suro 16:6

Inao malelaha mohombokihe Paulu hai rangana lao mopahawe Ngkorana Pue Ala i propinsi Asia. Ido hai tebalikimi tunggaianda, hai laomohe mampolumaongi tampo Frigia hai Galatia.

Suro 13:2

Hambela tempo, tanganda menomba i Pue hai mopuasa, Inao Malelaha mouliangaahe, “Kupileihe Baranaba hai Saulu mewali topobagoNgku. Nipopeangka maroahe bona laohe mampopolumao bago au Kupahaleangiahe.”

Suro 9:16

Hai ina Kutudungia wori hinangka kapari au hangangaa nahalea anti pobagona Iriko.”

Yohane 18:1

Karoona Yesu mekakae, meangkami hai topeguruNa lao i raoa wanua. Mowetamohe lembo Kidron lao i bonde au ntanda i orupena.

Suro 8:29

I tempo iti, Inaona Pue Ala mouliangaa Pilipu, “Lao nuhungkuki olou kareta.”

Suro 21:4

Inditi, mosondakingkai to Sarani hai maidangkai irihira haminggu kamahaena. Anti peninina Inao Malelaha, rangangki i Tirus mampopaingaa Paulu bona inee lao i Yerusale.

1 Timotiu 4:1

Inao Malelaha manguli i kanoto-notoana: i alo au ina mai, arahe tauna au ina mousuli hangko i pepoinalainda i paturo au tou. Ina mengkoruhe i kuasa au menawo-nawo hai mampeulaihe paturo au hangko i seta,