Suro 20:19 - Sura Malelaha

¹⁹ mengkaiwoina i lalu pobagongku i olomi. I pampopolumaongku bagona Pue inde, bosa belangku moteria. Hai ngkaia wori kapari au kuhumba hangko i tunggaianda to Yahudi au mampeinaohe mopapatena.

Suro 20:19 교차 참조

Kolose 3:24

Hai nipailalu lolita ide: Pue ina moweikau saromi moula apa au Nadandimi i ope-ope taunaNa. Kerisitu iami Ampumi, hai ikamu hawiNakau.

2 Korintu 2:4

I tempona kuuki sura iti hangkoia, mapari pehadingku hai karao inaongku; tudomi owai matangku. Sura iti bara kuuki bona mopakasusa lalumi, agaiana sura iti kuuki bona niisa noumba kamahilena ahingku irikamu.

Roma 12:11

Hangangaa madotakau mobago i Pue, ineekau lohe. Hangangaa nipopolumao bagona Pue hangko i lalumi.

Suro 20:3

hai maida inditi talu wulana kamahaena. Liumi talu wulana, ina mosumombami mesule lao i tampo Siria. Agaiana nahadiri bambari kaina rapapatena to Yahudi. Ido hai nauli laluna Paulu, “Agina mesulena moliu i tampo Makedonia.” Mewali, lao mpuumi i Makedonia.

2 Korintu 7:5

Nodo au kutuntumi, hangkoia meangkamongkai hangko i Troas lao i tampo Makedonia. Agaiana i kahawengki i Makedonia, bara wori tinda lalungki, lawi iumba pea kalaoangki, narumpangkai ngkaia kapari maroa hangko i raoa ba hangko i lalungki au buke kalanga.

Yakobu 1:2

Halalungku ope-ope! Ane narumpake mampopengaa kapari hai pekelo, inee masusa lalunta. Aginari tapokatana.

Pilipi 3:18

Lawi apa au paka kuuliangaakau, iti wori au kuuliangaa mbulikau ide-ide i lalu poteriangku: arahe bosa tauna au manguli katoSaraninda, agaiana kadake babehianda hai mosapuakahe tunggaiana kapatena Kerisitu i kau mombehape.

Epesu 6:7

Mobagomokau i lalu kamatana nodokau mobago i Pue, bara pea i manusia.

Galatia 1:10

Mewali halalu! Ba nipehangu mampopetoiana i manusia anti pololitangku inona? Bara, agaiana mampeinao peana molambi petoia hangko i Pue Ala. Ba niuli node: “Paulu mampeinao pea mopamatana laluna manusia?” Bara kuunde mopamatana laluna manusia, lawi ide iko, hawinana Kerisitu.

2 Korintu 3:5

Bara kiuli kibuku mpuu mampopolumao bagona Pue. Bara kibuku hangko i kapandeki haduduangki; Pue Alami au moweingkai kapande.

2 Peturu 1:1

Sura ide hangko iriko, Simo Peturu hawina hai surona Yesu Kerisitu, kupakatuakau halalu au mepoinalai i Yesu Kerisitu. Yesu Kerisitu iami Pue Ala au mohoremake hangko i huku dosanta. Anti kamanotona Pue Ala, Napopewalimokau taunaNa au mepoinalai Iria, himbela hai ikami suroNa.

1 Peturu 1:6

Ido hai hangangaa matana liliukau. Ide-ide masusa lalumi lawi ara ngkaia pakana kapari au morumpakau. Agaiana nauri nodo, hangangaa nipamatana lalumi, lawi kaparimi iti hampalai pea.

Roma 1:9

Pue Ala au kupobagoa hangko i lalungku i lalu pobambaringku Ngkora Marasa kana i AnaNa, Iami au mewali sabingku, noumba kakukabelaimi bela-belangku mekakae.

Roma 1:1

Sura ide hangko iriko, Paulu, hawina Yesu Kerisitu, au Napilei hai Natudu mobambari Ngkora Marasa hangko i Pue Ala.

Suro 27:23

Lawi inona kaindi, Pue Ala au kupenombai hai au mokadipurana, motudumi malaekaNa mai iriko.

Suro 17:13

Bara mahae hangko inditi, rahadimi to Yahudi au i wanua Tesalonika popahawenami Ngkorana Pue Ala i wanua Berea. Ido hai laomohe i Berea mohuweki lalunda tauna bosa.

Yohane 12:26

Hema au naunde mewali hawiNgku, hangangaa meula Iriko bona iumba kalaoaNgku, inditi wori ia. Hai hema au mewali hawiNgku ina napomahile UmaNgku.”

Lukasi 19:41

Hungkumi Yesu i Yerusale, Ia mampetiro wanua iti, hai Nateriahi,

Pampetudungia 7:15

Ido hai meangkahe i lindo kadera kadatuana Pue Ala, hai menombahe alo-alona hai wengi-wengina i lalu Souna Pue Ala. Hai Pue Ala au mohuda i kadera kadatuaNa ina mokampaihe.

2 Timotiu 1:4

Ane kukatuinao poteriamu i pogaanta, mabila mpuuna irio, ido hai kupeinaoko kuita bona tepabukei kamatanangku.

Suro 17:5

Agaiana to Yahudi au bara mepoinalai, mahinahe i Paulu hai Silas. Ido hai mokakiomohe tauna au lohehe mobago hai au mohuda-huda peahe i pobalu-balua. Bosamohe teruhu, hai mobabehimohe silaka i lalu wanua. Kahawenda i sou au rapaidai Paulu hai Silas, pesuanda peami. Tunggaianda mohakahe Paulu hai Silas hai raanti lao i lindonda tauna bosa,

Suro 21:27

Ina hopomi pitu alona au rapakanoto, ara bahangkia to Yahudi hangko i propinsi Asia au moita Paulu i Souna Pue Ala. Ihira mohuwekihe lalunda tauna bosa bona mohakahe Paulu,