Suro 2:40 - Sura Malelaha

⁴⁰ Bara iti pea au nauli Peturu, agaiana ngkaia mani au napololita. Ia mopaturohe tauna bosa hai napopaingaahe, nauli, “Menosomokau! Ineekau mampeulai tauna au kadakehe ide bona datikau molambi pehukuna Pue Ala au ina morumpahe!”

Suro 2:40 교차 참조

Pilipi 2:15

bona tongawa i ope-ope tauna ikamu ananakau Pue Ala, bara ara kamasalami, malelaha tuwomi hai bara ara tunggaiami au kadake. Nodo betue au mewangka mosimbaki kamakaindi, nodo worikau ikamu au maida i olonda tauna au motengko babehianda hai au kadake lalunda,

1 Timotiu 4:16

Poantimu hangangaa nukampai, hai paturomu hangangaa manoto. Nupobago liliu ope-ope iti bona molambiko katehorema, hihimbela hai tauna au mampehadingi paturomu.

Epesu 4:17

Mewali, hai kuasa au naweina Pue, kuuli hai kupaturoakau: Ineemokau tuwo nodo katuwomi hangkoia au bara moisa Pue Ala, lawi au rapekiri bara mobundu

2 Korintu 6:17

“Mewali, hangangaa nikabaha peulami i babehianda tauna au baraNa raisa. Ineehe nipohintuwua! Nipakarao watami hangko i ope-ope babehia au kadake.”

Matiu 17:17

Nauli Yesu i tauna bosa hai i topeguruNa, “Noumbarikau dide? Moapari pane bara mani maroho pepoinalaimi? Nisapuaka mani peundeana Pue Ala! Hangkia maniri kamahaena ina hihimbelaNa hai ikamu? Hangkia maniri kamahaena hangangaa Kusabarai peewami? Anti mai anangkoi iti!”

Matiu 16:4

Kadake mpuukau! Mosapuaka liliukau Pue Ala! Niperapi bona Kupopaitaakau tanda kuasa. Agaiana bara ara tanda kuasa au ina rapopaitaakau. Au ina rapopaitaakau, batena pea tanda nodo au mewali i nabi Yunu hangkoia.” Roo indo, Napalehimohe.

Galatia 5:3

Hai kuuliangaa mbulikau: hema pea au mampopetile, hangangaa mampeulai worihe ope-ope parenta ntanina i lalu Aturana Musa.

Suro 28:23

Roo indo, rapakanotomi alo poteruhuanda hai Paulu. Hawe mpuumi alo au rapakanoto, bosa tauna teruhu i paidaana Paulu. Mepongka madondo hawe kalumba, napakanotoahe Paulu kana i poparentana Pue Ala, hai nabasaahe Aturana Musa hai Suranda Nabi-nabi, bona manoto irihira kahemana Yesu bona mepoinalaihe Iria.

Matiu 23:33

Topodongkokau! Motengko lalumi! Ba nipehangu ina tekabahakau hangko i karahukumi i lalu naraka?

1 Peturu 5:12

Surangku au sosoe ide kuuki hai petulungina Silwanus, halalunta hampepepoinalai i Pue Yesu, hai kuisa ia ina mantaha liliu i lalu pepoinalaina. Inona kupahaweakau i kanoto-notoana noumba kamahilena ahina Pue Ala irikita bona maroho lalumi. Hangangaa tetida liliukau i kamaahiNa iti.

1 Tesalonika 2:11

Niisami poantiki irikamu ope-ope, nodo hadua uma i anana. Kipakaroho lalumi hai kiweikau lolita,

2 Korintu 5:20

Ikami ide sarungkoronangkai Kerisitu. Napokamba humengkai Pue Ala mopahawe lolitaNa irikamu. Moula peundeana Kerisitu, kiperapi mpuu irikamu bona mohintuwukau hai Pue Ala.

Suro 20:24

Kehapiri nodo, barapi kupekiri watangku bona peisana moparoo bago au napoinalaiana Pue Yesu. Pobagongku ide, mopahawe Ngkora Marasa au mopatongawa kabulana laluna Pue Ala irikita.

Lukasi 21:36

Mewali, mainga-ingakau, hai mekakaekau i Pue Ala bona tekabahakau hangko i ope-ope kapari au ina mewali, hai bona nibuku meangka i lindoKu, Iko Ana Manusia.”

Markus 8:38

Maidakau i olonda tauna au kadake hai au bara meula Iriko. Mewali hema au maea mopangaku peulana Iriko hai mampokaea paturoNgku, ina Kupokaea wori mopangaku kaiana topeulaNgku ane hawe suleNa hangko i suruga. I tempo iti, Iko, Ana Manusia, ina mendaulu mai hangko i suruga hihimbela hai malaeka au malelaha, hai ina meawaNa anti kuasana UmaNgku.”

Suro 20:21

Kupopaingaa liliukau, maroa ikamu to Yahudi maroa ikamu au bara to Yahudi bona menosokau hangko i dosami hai mepoinalaikau i Amputa Pue Yesu.

Yohane 21:25

Ngkaia mani au nababehi Yesu, agaiana ane hinangkana au Nababehi iti rauki i lalu sura, kira-kira humalele dunia ide bara handa rapambolii sura iti.

Suro 20:11

Roo indo, mengkahe hulemi Paulu lao i wongko mobise-bise roti, hai maande sambelahe. Mololita mbuli Paulu hawe mabaa, hangko meangkari.

Suro 20:9

I poteruhuangki, ara hadua anantomoane, hangana Eutikus. Ia mohuda i sungkeke lincu iti. Lincu iti katalu usuna hangko i tampo. Anti kamahaena Paulu mololita, maleluemi anantomoane iti hai leta ntundami, ido hai manawo toa i tampo. Mendaulumohe rangana lao moangka, rapeita matemi.

Suro 20:2

I polumaona iti, ia mosondakihe to Sarani, hai napahaweahe ngkaia lolita bona maroho lalunda. Hangko inditi, lao wori i tampo Akaya, tamponda to Yunani,

Suro 15:32

Hangko inditi, Yudasi hai Silas mahaehe mololita mopaturo halalu hampepepoinalainda hai mohuweki pepoinalainda, lawi ihira iti nabi worihe.

Suro 10:42

Hai Natudungkai moanti bambari i ope-ope tauna, hai mewali sabi kaIana mpuu au napilei Pue Ala mewali Topobotusi ope-ope tauna, maroa au tuwo mani ba au matemi.

Matiu 12:34

Ikamu tauna au kadake! Bara mpuukau peisa mohowara lolita au maroa anti kakadakena lalumi. Lawi apa au ara i lalunta, iti wori au mesuwu i humenta.

Lukasi 16:28

lawi ara manihe lima halalungku au maida indowei. Nutudu Lasaru mampopaingaahe kana i apa au mewali iriko dati worihe molambi paidaa au mapari ide.’

Suro 4:36

Nodo wori au nababehi Yusupu. I pampobaluna tampona, holona nahuhuahe surona Pue Yesu. Yusupu iti iami hadua pemuleana Lewi au maida i lewuto Siprus. Suronahe Pue Yesu mohanga wori Yusupu iti, Baranaba, lempona topepalindo.