Suro 19:17 - Sura Malelaha

¹⁷ Apa au mewali iti rahadimi ope-ope tauna au arahe i Epesu, maroa to Yahudi maroa au barahe to Yahudi. Mewali langahe, ido hai mampomahilemohe hangana Pue Yesu.

Suro 19:17 교차 참조

2 Tesalonika 1:12

Tunggaiaki mekakae bona anti babehiami au maroa iti, hangana Yesu Amputa rapomahile, hai bona ikamu napomahile worikau Pue Yesu. Ope-ope iti hangangaa mewali anti kabulana laluna Pue Ala Umanta hai Pue Yesu Kerisitu.

2 Tesalonika 3:1

Mewali, halalu, kiperapi bona nipekakaea woringkai. Mekakaekau i Pue Ala bona kabosa-bosaa tauna au mohadi hai modoko Ngkorana Pue, nodo au mewali irikamu hangkoia.

Pilipi 1:20

Peundeaku hai peharungangku hangangaa mampopolumaona bagongku au napatokami Pue Ala iriko i karoa-roakana datina maea. Kuharunga ina baina mopahawe liliu posabingku, pelumbunami ide-ide bona mampomahilena hangana Kerisitu, maroa i tuwongku, maroa i kapatengku.

Suro 13:12

Naitami Gubernur apa au mewali iti, tingkara mpuu, lawi tongawami kuasana paturona Pue Ala, hai ia mepoinalai i Pue Yesu.

Suro 5:11

Mewali, langa mpuuhe ope-ope tauna au mepoinalai i Pue Yesu moita hai mohadi apa au mewali iti. Nodo worihe ope-ope tauna ntanina au mohadi.

Suro 5:5

Kanahadina Ananias lolitana Peturu, liliu madungka hai mate. Ope-ope tauna au mohadi apa au mewali, langa mpuuhe.

Suro 18:19

I polumaonda iti, mehupehe i wanua Epesu, hai Paulu lao i sou penombaa hai mombepakana i lolita hai to Yahudi au teruhuhe inditi. Tauna iti merapi bona Paulu mahae haodi hihimbela hai ihira, agaiana bara naunde. Nauri nodo, i pelingkana, nauliangaahe, “Ane napokana Pue Ala, ina mesule peana mai inde.” Priskila hai Akwila maida liliuhe i Epesu, agaiana Paulu mopaliliumi polumaona mesawi i kapala tahi lao i tampo Siria.

Suro 5:13

Tauna au barahe mepoinalai i Yesu, barahe bai meguluki irihira. Agaiana nauri nodo, ope-ope topepoinalai rabila mpuuhe tauna bosa.

Suro 2:43

Surona Pue Yesu mobabehihe ngkaia tanda kuasa hai tanda au metingkarai. Ido hai tingkara mpuuhe tauna bosa.

Lukasi 7:16

Tauna au moitahe apa au mewali iti, langamohe hai mepongkamohe motoia Pue Ala, rauli, “Hadua nabi au makuasa ntepuu ara i olonta! Hawemi Pue Ala irikita taunaNa.”

Lukasi 1:65

Tingkara mpuumohe ope-ope hintongginda, hai bambari iti tehawukami i tongku-tongkuna i tampo Yudea.

Suro 19:1

Tangana Apolo i wanua Korintu, Paulu molumaohi boea-boea au i bulu i tampo Galatia hai Frigia, hai roo indo mendaulumi lao i wanua Epesu. Inditi ia mohidupa hai bahangkia topepoinalai.

Suro 19:16

Tauna au napesuangi seta iti unga pea melumpaki hai mehaka. Bara rabuku moewa, lawi maroho. Ido hai melangkahe hangko i sou iti hai wata au bela-bela hai barapohe mehampi, lawi hampinda nahepa-hepami.

Suro 19:18

Tempo iti, bosa tauna au mepoinalaimohe mangaku i lindonda tauna bosa, kamobabehinda worimi babehia au nodo.