Suro 18:23 - Sura Malelaha

²³ Bahangkia kamahaena hihimbela hai halalu hampepepoinalaina i Antiokia, meangka mbulimi lao i tampo Galatia hai Frigia mopakaroho pepoinalainda tauna au mepoinalai i Pue Yesu.

Suro 18:23 교차 참조

Suro 14:22

I ope-ope boea au rapolumaongi, Paulu hai Baranaba mohuweki hai mopakaroho lalunda tauna au mepoinalai i Yesu bona tetida pepoinalainda, rauliangaahe, “Ikita hangangaa molambi ngkaia pakana kapari hangko damanike mesua i lalu poparentana Pue Ala.”

Suro 16:6

Inao malelaha mohombokihe Paulu hai rangana lao mopahawe Ngkorana Pue Ala i propinsi Asia. Ido hai tebalikimi tunggaianda, hai laomohe mampolumaongi tampo Frigia hai Galatia.

Suro 15:41

Paulu hai Silas mampolumaongi tampo Siria hai propinsi Kilikia, mopakaroho lalunda to Sarani au ara inditi.

Suro 15:32

Hangko inditi, Yudasi hai Silas mahaehe mololita mopaturo halalu hampepepoinalainda hai mohuweki pepoinalainda, lawi ihira iti nabi worihe.

1 Tesalonika 5:14

Halalu, kiperapi bona rangami au lohehe mobago niweihe lolita. Nipalindohe au masusa lalunda. Nipakarohohe au malede pepoinalainda, hai hangangaa sabarakau i ope-ope tauna.

Galatia 4:14

Agaiana kehapiri meringkui hakingku iti, bara mpuuna nikaraohi ba nipokarika. Nidoko maroana, nodokau modoko hadua malaeka ba nodokau modoko Kerisitu Yesu.

1 Korintu 16:1

Kaliliuana halalu, ina mololitana kana i doi au nigulu bona nipopotulungihe halalunta hampepepoinalai au meahi-ahi tuwonda i wanua Yerusale. Kuperapi bona nibabehi iti moula apa au kuhawaamohe to Sarani au ara i tampo Galatia.

1 Tesalonika 4:18

Mewali halalu, hangko i bambari ide, hangangaa mombepalindoke hadua hai hadua.

Suro 16:40

Mewali, padu mpuumohe Paulu hai Silas hangko i tarunggu iti lao i souna Lidia. Inditi mampombelambiamohe halalu hampepepoinalainda, hai rapakaroho lalunda. Roo indo, padumohe mopalehi wanua Pilipi.

Lukasi 22:43

[Roo indo, hawemi hadua malaeka hangko i suruga mai mopakaroho laluNa.

Lukasi 22:32

Agaiana Kupekakaengaako Simo bona dati maguli pepoinalaimu. Mewali, ane menosoko hai mesuleko Iriko, hangangaa nupakaroho lalunda halalumu.”

Lukasi 1:3

Mewali, karoona kuparesa maroa hinangka au mewali hangko i pepongkana, nauli lalungku agina mouki worina hambua sura bona kupakanotoako tuntukana moula pombeusuna.

Suro 2:10

hangko i Frigia hai Pampilia, hangko i Masiri hai hangko i tampo Libia au hungku i wanua Kirene. Arake au hangko i wanua Roma. Hantangake to Yahudi, hai ara worihe tauna ntanina au mesua agama Yahudi.

Suro 19:1

Tangana Apolo i wanua Korintu, Paulu molumaohi boea-boea au i bulu i tampo Galatia hai Frigia, hai roo indo mendaulumi lao i wanua Epesu. Inditi ia mohidupa hai bahangkia topepoinalai.

Galatia 1:9

Kiuliangaamokau hangkoia, i tempoki mani hihimbela hai ikamu inditi, hai ide-ide kuuliangaa mbulikau hambela: ane ara tauna au mobambari ngkora marasa au ntanina hangko i apa au nidokomi, batena nahukuhe Pue Ala!