Suro 18:19 - Sura Malelaha

^19-21 I polumaonda iti, mehupehe i wanua Epesu, hai Paulu lao i sou penombaa hai mombepakana i lolita hai to Yahudi au teruhuhe inditi. Tauna iti merapi bona Paulu mahae haodi hihimbela hai ihira, agaiana bara naunde. Nauri nodo, i pelingkana, nauliangaahe, “Ane napokana Pue Ala, ina mesule peana mai inde.” Priskila hai Akwila maida liliuhe i Epesu, agaiana Paulu mopaliliumi polumaona mesawi i kapala tahi lao i tampo Siria.

Suro 18:19 교차 참조

1 Timotiu 1:3

Kuperapi bona oio maida liliuko i Epesu nodo au kuuli hangkoia i peangkaku, mai inde i Makedonia. Lawi inditi arahe bahangkia tauna au moanti paturo au sala, hai hangangaa nukontohe bona ineehe moanti liliu paturo au mepakanawo.

Epesu 1:1

Sura ide hangko iriko, Paulu, au mewali surona Kerisitu Yesu moula peundeana Pue Ala. Sura ide kupakatu irikamu taunana Pue Ala i Epesu au tetida pepoinalaimi i Kerisitu Yesu.

1 Korintu 16:8

Agaiana ide-ide, hangangaa maidana hampai inde i Epesu duuna hawe Alo Mahile Pendauluna Inao Malelaha,

1 Korintu 15:32

Tangangku inde i wanua Epesu, raewana tauna au nodo binata maila. Ane rapana tomate bara ina rapatuwo hule, apa bunduna hinangkana au kutodiha iti? Ane rapana tomate bara ina rapatuwo hule agina taula lolita au manguli node: “Maande hai maenu peamoke mohaoki katana-tana, lawi hangalo rongalo tuwoke, hai roo indo matemoke.” Nodomi lolitanda tauna hanggaa.

Suro 20:16

Paulu mopakanoto kadangki hampai mehupe i wanua Epesu dati gagangkai mahae i propinsi Asia. Ia mopahumpe polumaongki, lawi naunde polo hawe i Yerusale hangko damani hawe alo mahile au rahanga Pentakosta.

Suro 19:1

Tangana Apolo i wanua Korintu, Paulu molumaohi boea-boea au i bulu i tampo Galatia hai Frigia, hai roo indo mendaulumi lao i wanua Epesu. Inditi ia mohidupa hai bahangkia topepoinalai.

Suro 18:24

I tempo iti, ara hadua to Yahudi au hawe i wanua Epesu, hangana Apolo. Apolo iti mesupa i wanua Aleksandria. Ia mapande mololita, hai matumpali kana i ihi Sura Malelaha.

Suro 18:4

Minggu-mingguna i alo Penombaa, laomi Paulu i sou penombaanda to Yahudi mopaturo tauna au teruhu inditi, maroa to Yahudi maroa to Yunani. Tunggaiana bona mepoinalaihe i Pue Yesu.

Pampetudungia 2:1

Nauliangaana Yesu, “Nuukimi lolita ide hawe i tadulako au mokadipura jumaa i wanua Epesu: Idemi lolitana Pue Yesu au mokingki betue au pitu oguna i taie koanaNa hai au molumao i olo pitu mbuana biti hulo bulawa.

Pampetudungia 1:11

nauli, “Apa au nuita, nuuki i sura hai nupakatuahe jumaa au pitu ide: Epesu, Smirna, Pergamus, Tiatira, Sardis, Filadelfia hai Laodikia.”

2 Timotiu 4:12

Tikikus inditi houmi kutudu lao i Epesu.

Suro 19:26

Agaiana niita hai nihadimi apa au nababehi hadua tauna au rahanga Paulu. Nauli tauna iti, apa au nababehi manusia bona rapenombai bara ara kuasana. Anti pepaturona iti, bosahe tauna au meula i Paulu, hai bara pea i Epesu. I humalele propinsi Asia, batena nodo wori.

Suro 19:17

Apa au mewali iti rahadimi ope-ope tauna au arahe i Epesu, maroa to Yahudi maroa au barahe to Yahudi. Mewali langahe, ido hai mampomahilemohe hangana Pue Yesu.

Suro 19:28

Karahadina lolitana Demetrius iti, rumpumohe hai monganga-ngangahe, “Toiami Artemis au tapenombai to Epesu!”

Suro 19:35

Kahopoana, peisahe napakandii hadua totosae boea. Nauli totosae boea iti, “Halalu-halalu to Epesu! Bara ara hadua tauna au bara moisa boeanta ide au mokadipura sou penombaa anitu towawine Artemis hai mokampai watu au makuasa au manawo hangko i langi.

Suro 20:17

Hangko i Miletus, Paulu mopakatu bambari lao i Epesu bona penatua au ara inditi maihe mampohidupaa.

Suro 21:29

(Mololitahe nodo, lawi inona moitahe Tropimus mohimada hai Paulu i wanua. Rapehangu Tropimus naantimi Paulu i lalu Souna Pue Ala. Tropimus iti, to Epesu, bara to Yahudi).