Agaiana, bara Naliu inaona moweikau tanda-tanda au mopakanoto kahemaNa. Ia mobabehiakau apa au maroa: Naweikau uda hangko i langi, Napopowua tuda-tudami i tempona, Naweikau paande, hai Naweikau katana lalu.”
Kehapiri kamakuasana Pue Ala au monono hai kamahilena tuwoNa bara peisa taita, agaiana ope-ope iti peisa taita hangko i hinangka au Napopewali hungka i pewalina dunia. Mewali, bara ara manusia au peisa manguli, “Bara wongkoia kuisa kaarana Pue Ala.”
Tou, laluna Pue Ala maroa, sabara hai mahile ahiNa. Agaiana inee nauli lalumi, “Barake paraluu mobaliki babehianta au kadake.” Nikatuinao, halalu tunggaiana kamaroana laluna Pue Ala bona tepakakau mampenosoi dosami.
