Suro 17:23 - Sura Malelaha

²³ Kuisa iti, lawi i polumaongku i lalu wanuami inona, kuita penombaami hai kuita wori hambua watu penombaa au ara ukina node: ‘Penombaa i Pue au Bara Taisa.’ Mewali, pue au nipenombai au bara niisa, itimi au ina kupahaweakau.

Suro 17:23 교차 참조

Matiu 15:9

Bara mobundu penombanda Iriko, lawi paturonda hangko i manusia pea, bara paturo hangko Iriko.’ ”

Yohane 17:25

O UmaNgku au manoto, baraKo raisa tauna i dunia ide. Agaiana Iko, KuisaKo. Hai ope-ope tauna au mepoinalai Iriko moisa kaOiona au motuduNa.

Yohane 17:3

Au Kutunggai hai ‘katuwo maroa au bara mokahopoa’ iami: Moisahe kaOiona Pue Ala au tou, au bara ara karoduaNa, hai moisa worihe Yesu Kerisitu au Nutudu mai i dunia.

Yohane 4:22

Ikamu to Samaria, barato niisa kahemana au nipenombai. Ikami to Yahudi, kiisa kahemana au kipenombai, lawi ara dandina Pue Ala au manguli katehorema ina hawe hangko i to Yahudi.

Yohane 8:54

Nauli Yesu, “Ane mengkaiwongkoNa, bara ara pobunduana. Agaiana UmaNgkumi au mopaiwongkoNa, au niuli Pue Ala au nipenombai.

Suro 17:30

Hangkoia, menombake i anitu. Nauri nodo, barake nahuku Pue Ala. Ia motuko pea mataNa i kantulita iti. Agaiana ide-ide, Natuduhe ope-ope tauna i humalele dunia bona menosohe hangko i dosanda.

Roma 1:28

Lawi i pekirinda barapohe paraluu moisa Pue Ala, ido hai Napogiangaami Pue Ala pekirinda mewali kadake, alana mobabehihe babehia au bara hintoto.

1 Korintu 1:21

Lawi hangko i kapande manusia, barake peisa moisa Pue Ala. Anti kamapandena Pue Ala, Nabotusimi bona hema pea au mepoinalai i Ngkora Marasa au kipahawe, tauna iti ina Nahoremahe hangko i dosanda. Agaiana ane kipahawe Ngkora Marasa, tauna au bara mepoinalai manguli, “Iti lolita tontuli.”

1 Korintu 8:5

Ara ngkaia pakana au napenombai manusia, au rauli pue ba anitu, maroa i langi ba i wongko tampo.

Epesu 2:12

I tempo iti, barakau mohintuwu hai Kerisitu. Ikamu tauna au tepairaoa; barakau teimba to Yahudi au napileihe Pue Ala mewali taunaNa. Bara ara kirami i lalu dandina Pue Ala i to Isaraeli. Tuwokau i dunia ide, bara ara peharungami, hai barakau moisa Pue Ala.

2 Tesalonika 2:4

I lalu pampemahilena Manusia Kadake iti ina meewa hai mampeiwongko hangko i ope-ope au rapenombai manusia. Hai ia ina mohuda wori i Souna Pue Ala hai nauli kaianami Pue Ala.

1 Timotiu 1:17

Pue Ala, Datu au poparentaNa bara mokahopoa, hintoto mpuu rabila hai ratoia, lawi Ia tuwo i hae-haena, au bara taita, hai au bara ara hasimbelana. Tapomahile hai tatoia hangaNa hawe i hae-haena. Amin.

1 Yohane 5:20

Taisa worimi: Anana Pue Ala hawemi i dunia, hai Ia au moweike kanoto lalu bona moisake Pue Ala au tou. Mohintuwumoke hai Pue Ala au tou anti pohintuwuta hai Yesu Kerisitu AnaNa. Iami Pue Ala au tou. Hangko Iria molambimoke katuwo maroa au bara mokahopoa.