Suro 16:36 - Sura Malelaha

³⁶ Kanahadina kapala tarunggu parenta iti, nauli i Paulu hai i Silas, “Ara hawa hangko i topoparenta au mouliangaana bona rakabahakau. Mewali, padumokau, hai maroa-roakau i rara.”

Suro 16:36 교차 참조

Suro 15:33

Ihira maida bahangkia alona hihimbela hai tauna i Antiokia, hai roo indo Silas hai Yudasi ina rapopelingkamohe mesule lao i Yerusale i tauna au motuduhe mai. Rauli to Antiokia iti, “Maroa-roakau i rara.”

Yohane 14:27

Katinda lalu au hangko Iriko Kuwoliakau. Katinda lalu au hangko Iriko Kuweikau. Au Kuweikau ide, bara nodo au naweikau dunia. Inee karao inaomi, hai ineekau langa.

Suro 16:27

Tingkarami kapala tarunggu hai mearo, hai naita ope-ope baba tebungkahimi. Nawukami pihona ina menoo, lawi napehangu melangkamohe ope-ope tauna au ratarunggu.

Markus 5:34

Yesu mouliangaa towawine iti, “AnaNgku! Maohamoko lawi mepoinalaiko Iriko. Mesulemoko maroa-roa. Maohamoko, barapi ara hakimu.”

Suro 16:23

Karoonda rapapahai, liliuhe ratarunggu. Kapala tarunggu rapohawaa bona Paulu hai Silas nakampai maroahe.

Suro 16:35

Kahalona madondo topoparenta to Roma motudu surodado lao i kapala tarunggu, nauliangaa, “Kabahamohe tauna au rodua iti au rahaka imaindi.”