Suro 16:35 - Sura Malelaha

³⁵ Kahalona madondo topoparenta to Roma motudu surodado lao i kapala tarunggu, nauliangaa, “Kabahamohe tauna au rodua iti au rahaka imaindi.”

Suro 16:35 교차 참조

Suro 5:40

Roo indo, suro iti rakakio hulemohe, rapapahaihe hai rauliangaahe, “Ineemokau mepaturo mokabelai hangana Yesu!” Hangko indo, rakabahamohe.

Suro 4:21

Hangko indo, rumihimi karumpunda tadulako iti, pane mampopalangahe Peturu hai Yohane. Kahopoana rakabahamohe. Bara ara rara mohukuhe lawi ope-ope tauna motoia Pue Ala anti tanda kuasa au rababehi iti.

Lukasi 12:11

Ane raantikau i tadulako agama ba i topoparenta boea anti peulami Iriko, ineekau langa kana i apa au ina niuliangaahe hai ba noumba pehanami.

Suro 16:34

Roo indo, kapala tarunggu iti moantihe Paulu hai Silas lao i souna hai napaandehe. Matana mpuuhe tohantambi iti, lawi mepoinalaimohe i Pue Ala.

Suro 16:36

Kanahadina kapala tarunggu parenta iti, nauli i Paulu hai i Silas, “Ara hawa hangko i topoparenta au mouliangaana bona rakabahakau. Mewali, padumokau, hai maroa-roakau i rara.”

Suro 16:38

Mesule hulemohe surodado iti moanti lolitana Paulu i topoparenta. Karahadina topoparenta, Paulu hai Silas iti to Roma, langamohe.