Suro 15:39 - Sura Malelaha

³⁹ Mewali, mombehanaimohe Paulu hai Baranaba, alanda mogaa. Baranaba mangala Markus naporanga, hai mesawimohe i kapala tahi lao i lewuto Siprus.

Suro 15:39 교차 참조

Kolose 4:10

Aristarkus, rangangku ratarunggu, mopakatu tabeana irikamu. Markus halaluna Baranaba, mopakatu wori tabeana. (Nikatuinao apa au kuperapi hangkoia bona ane hawe Markus deade, nidoko maroa!)

Yakobu 3:2

Ikita ope-ope, madahake mobabehi sala. Agaiana ane rapana arahe tauna au bara mobabehi sala i polololitanda, ihira au malelaha tuwonda hai au peisa mokuasai ope-ope peundeana lalunda.

Suro 4:36

Nodo wori au nababehi Yusupu. I pampobaluna tampona, holona nahuhuahe surona Pue Yesu. Yusupu iti iami hadua pemuleana Lewi au maida i lewuto Siprus. Suronahe Pue Yesu mohanga wori Yusupu iti, Baranaba, lempona topepalindo.

Suro 11:20

Ara wori hangko irihira au hangko i lewuto Siprus hai wanua Kirene laohe i wanua Antiokia mobambari Ngkora Marasa kana i Pue Yesu i tauna au barahe to Yahudi.

Suro 6:1

Kamahae-haea katetetambaiami tauna au meula i Yesu. I tempo iti, ope-ope tauna au mepoinalai i Yesu, to Yahudi peahe, agaiana hanggaahe mobasa Yunani, hai hanggaa worihe mobasa Yahudi. Au mobasa Yunani, mohume-humehe mosalai ranganda au mobasa Yahudi, rauli, “Tobemba towawine au ara irikami barahe molambi kiranda hangko i apa au rakira-kira alo-alona i topeahi-ahi.”

Suro 27:4

Hangko inditi, kipaliliumi polumaongki. Anti karumihina pewui himburu, ido hai menana peangkai lewuto Siprus ntanda i Mata alo datingkai narumpa ntepuu himburu.

Suro 15:2

Agaiana Paulu hai Baranaba, rumihi poewanda paturo iti. Kahopoana, rabotusi bona Paulu, Baranaba, hai bahangkia tauna ntanina au mepoinalai i Yesu lao mopahawe kara-kara iti i surona Pue Yesu hai penatua-penatua i Yerusale.

Suro 12:12

Roo indo, laomi Peturu i souna Maria, inana Yohane au rauli wori Markus. I sou iti, bosahe tauna teruhu mekakae.

Suro 15:37

Baranaba mampeinao moanti Yohane au rauli Markus i polumaonda iti,

1 Peturu 5:13

Tabea hangko i halalumi hampepepoinalai au arahe inde i wanua Babilon au napilei worihe Pue Ala nodo ikamu. Markus au kupoanami, mopakatu wori tabeana irikamu.