Suro 14:21 - Sura Malelaha

²¹ I wanua Derbe, Paulu hai Baranaba mopahawe worihe Ngkora Marasa, alana bosa tauna mepoinalai i Yesu. Roo indo, mesulemohe lao i wanua Listra hai i wanua Ikonium, pane liliuhe lao i wanua Antiokia i tampo Pisidia.

Suro 14:21 교차 참조

Suro 14:19

Bara mahae hangko inditi, bahangkia to Yahudi hangko i wanua Antiokia hai wanua Ikonium hawehe i wanua Listra. To Yahudi iti mohuwekihe lalunda tauna bosa i wanua Listra bona laohe mowatui Paulu. Karoona Paulu rawatui, watana rabisoso lao i raoa wanua hai rapalehi inditi, lawi rapehangu matemi.

Suro 14:1

Apa au mewali i wanua Antiokia, iti wori au mewali i wanua Ikonium. Nodo au biasa rababehi Paulu hai Baranaba laohe i sou penombaanda to Yahudi mopahawe Ngkora Marasa i tauna au teruhuhe inditi, alana bosahe to Yahudi hai au barahe to Yahudi mepoinalai i Yesu.

Suro 13:51

Mewali, Paulu hai Baranaba motarontamohe awu au ara i bitinda, tanda kadanapi ihira au mohuru ane Pue Ala mohukuhe ampu boea iti. Hai roo indo, laomohe i wanua Ikonium.

2 Timotiu 3:11

Nuitami kamantahaku i pepopeahi-ahi hai kapari au morumpana i wanua Antiokia, i Ikonium hai i Listra. Rumihi mpuu kapari iti! Agaiana nakabahana Pue hangko i hinangka kapari iti.

Suro 14:6

Agaiana raisari Paulu hai Baranaba tunggaianda. Ido hai melangkahe lao i wanua Listra hai i wanua Derbe i tampo Likaonia.

Suro 13:14

Hangko i Perga, mopaliliuhe polumaonda hawe i wanua Antiokia i tampo Pisidia. I alo Penombaanda to Yahudi, laomohe mohuda i sou penombaa.

Matiu 28:19

Mewali, laomokau i humalele dunia, nipopewalihe ope-ope tauna topeulaNgku, niriuhe i lalu hangana Uma hai Ana hai Inao Malelaha

Suro 16:2

Timotiu iti rabila ope-ope halalu hampepepoinalaina i wanua Listra hai Ikonium.

Suro 15:36

Hangko indo, nauli Paulu i Baranaba, “Mesulemoke lao mosondaki halalu hampepepoinalainta i ope-ope boea au tapoliungi hangkoia i tempota mobambari Ngkorana Pue bona taita noumba katuwonda.”

Suro 14:8

I wanua Listra, ara hadua tobalilo au mohuda liliu pea lawi palu hangko i karapoanakana. Tauna iti bara mani hambela peisa nabuku lumao.

Suro 2:47

Motoia liliuhe Pue Ala, hai rapokatanahe ope-ope tauna. Alo-alona katetetambaiahe, lawi Pue motambaiahe tauna au molambi katuwo maroa.

Suro 14:7

Inditi mopahawe worihe Ngkora Marasa.

Suro 14:15

“Ee! Apari dide au nibabehi? Ide ikami, manusia biasa pea woringkai nodo ikamu. Maingkai mobambari Ngkora Marasa irikamu bona nikabaha penombami i anitu au bara mobundu hai bona menomba peakau i Pue Ala au tuwo, lawi Iami au mampopewali langi, tampo, tahi hai hinangka ihi dunia.

Suro 14:26

Hangko i wanua Atalia iti, mesawimohe i kapala tahi mesule lao i wanua Antiokia i tampo Siria. I wanua itimi pepongkana polumaonda mobambari Ngkora Marasa, au hangko roo rapobago iti. [I pepongkana polumaonda iti hangkoia, to Sarani au nguru-nguruna i wanua Antiokia mampekakaengaahe hai merapihe bona Pue Ala mokadipura Paulu hai Baranaba hangko i kabulana laluNa, tanganda mampopolumao bago iti].