Suro 14:19 - Sura Malelaha

¹⁹ Bara mahae hangko inditi, bahangkia to Yahudi hangko i wanua Antiokia hai wanua Ikonium hawehe i wanua Listra. To Yahudi iti mohuwekihe lalunda tauna bosa i wanua Listra bona laohe mowatui Paulu. Karoona Paulu rawatui, watana rabisoso lao i raoa wanua hai rapalehi inditi, lawi rapehangu matemi.

Suro 14:19 교차 참조

2 Timotiu 3:11

Nuitami kamantahaku i pepopeahi-ahi hai kapari au morumpana i wanua Antiokia, i Ikonium hai i Listra. Rumihi mpuu kapari iti! Agaiana nakabahana Pue hangko i hinangka kapari iti.

2 Korintu 11:25

Talumi belangku rahuku to Roma; rawombena hai lai. Hambela worina rawatui tauna au mampeinao mopapatena. Talu belana kapala tahi au kupesawii marugi i tanga tahi. Hambelana monanto-nanto i wongko tahi hambengia hai hangaloa.

Suro 14:5

Mewali to Yahudi hai ope-ope tadulakonda hihimbela hai au barahe to Yahudi, hintuwumohe mampopeahi-ahi hai mowatui suro au rodua iti.

Suro 13:45

Roo indo, mahinamohe to Yahudi moita kabosana tauna au mampehadingi lolitana Paulu. Ido hai rapapakoi hai rasapuaka ope-ope lolitana.

2 Korintu 11:23

Rauli, ihira topobagona Kerisitu, apa mani iko! (Mololitana nodo tauna au barapi manoto pekirina.) Meliu pobagongku hangko i pobagonda. Bahangkiami belangku ratarunggu, meliu hangko irihira! Rumihi karapopeahi-ahingku, meliu hangko irihira! Bosami belangku kemate.

Suro 7:58

Rabisoso lao i raoa wanua bona rawatui. Tauna au mosalai Setepanu iti, mowosuimohe badunda hai moalahe watu hai meweduhe. Badunda rawoli i lindona hadua tobalilo au rahanga Saulus.

1 Korintu 15:31

Alo-alona molindona kapate anti pobagongku mopahawe Ngkora Marasa. Tou mpuu lolitangku ide, hai matana mpuu lalungku anti kaikamuna halalu, lawi mepoinalaikau i Amputa Kerisitu Yesu.

Suro 17:13

Bara mahae hangko inditi, rahadimi to Yahudi au i wanua Tesalonika popahawenami Ngkorana Pue Ala i wanua Berea. Ido hai laomohe i Berea mohuweki lalunda tauna bosa.

Suro 9:16

Hai ina Kutudungia wori hinangka kapari au hangangaa nahalea anti pobagona Iriko.”

Suro 22:20

Nodo wori, i tempona sabiMu Setepanu rapapate, ara worina indo hai kupokana karapapatena; ikomi au mokampai hampinda tauna au mopapate.’

Suro 14:21

I wanua Derbe, Paulu hai Baranaba mopahawe worihe Ngkora Marasa, alana bosa tauna mepoinalai i Yesu. Roo indo, mesulemohe lao i wanua Listra hai i wanua Ikonium, pane liliuhe lao i wanua Antiokia i tampo Pisidia.

Suro 13:14

Hangko i Perga, mopaliliuhe polumaonda hawe i wanua Antiokia i tampo Pisidia. I alo Penombaanda to Yahudi, laomohe mohuda i sou penombaa.

Suro 14:1

Apa au mewali i wanua Antiokia, iti wori au mewali i wanua Ikonium. Nodo au biasa rababehi Paulu hai Baranaba laohe i sou penombaanda to Yahudi mopahawe Ngkora Marasa i tauna au teruhuhe inditi, alana bosahe to Yahudi hai au barahe to Yahudi mepoinalai i Yesu.

Suro 14:2

Agaiana to Yahudi au barahe mepoinalai mohuwekihe lalunda tauna bosa au bara to Yahudi bona mokahihihe tauna au mepoinalai i Pue Yesu.

Suro 14:4

Agaiana ampu boea iti bararihe hintuwu. Arahe au ntanda i to Yahudi, hai ara worihe au ntanda i surona Pue Yesu.

Suro 14:18

Nauri nodomi pololitanda Baranaba hai Paulu i tauna bosa, agaiana mapari mani rahadi mokonto tauna bosa iti, datihe moanti popenombanda irihira.

Suro 14:26

Hangko i wanua Atalia iti, mesawimohe i kapala tahi mesule lao i wanua Antiokia i tampo Siria. I wanua itimi pepongkana polumaonda mobambari Ngkora Marasa, au hangko roo rapobago iti. [I pepongkana polumaonda iti hangkoia, to Sarani au nguru-nguruna i wanua Antiokia mampekakaengaahe hai merapihe bona Pue Ala mokadipura Paulu hai Baranaba hangko i kabulana laluNa, tanganda mampopolumao bago iti].

Suro 15:26

Baranaba hai Paulu iti mohuhuhe katuwonda i Pue Yesu Kerisitu anti pampopolumaonda bago au naweihe Pue Ala.

2 Korintu 11:26

I lalu polumaongku, bosa belangku hurewu; narumpana owai meumbala. Molambina rugi i taienda topanangka. Rapopeahi-ahina to Yahudi. Rapopeahi-ahina tauna au barahe to Yahudi. Molambina rugi i lalu wanua hai i raoa wanua. Molambina rugi i wongko tahi. Molambina rugi hangko i tauna au mouli kaihirana halalungku hampepepoinalai, agaiana katouana bara!

1 Tesalonika 2:14

Kiisa iti halalu, lawi apa au mewali i halalu hampepepoinalai i tampo Yudea mewali wori irikamu. Nodo halalunta hampepepoinalai, ope-ope jumaa i tampo Yudea rapopeahi-ahihe hangka to Yahudinda, ikamu wori rapopeahi-ahikau to hambomboeami.