Hangkoia, menombake i anitu. Nauri nodo, barake nahuku Pue Ala. Ia motuko pea mataNa i kantulita iti. Agaiana ide-ide, Natuduhe ope-ope tauna i humalele dunia bona menosohe hangko i dosanda.
Lawi mahae gagamokau mobabehi babehianda tauna au barahe moisa Pue. I tempo iti, merikai babehiami, moulakau peundeana lalumi au kadake, malangu-langukau, mosusa liliukau, masurokoakau, hai menombakau i anitu au bara hintoto rapenombai.
I tempo iti, barakau mohintuwu hai Kerisitu. Ikamu tauna au tepairaoa; barakau teimba to Yahudi au napileihe Pue Ala mewali taunaNa. Bara ara kirami i lalu dandina Pue Ala i to Isaraeli. Tuwokau i dunia ide, bara ara peharungami, hai barakau moisa Pue Ala.
Moula popakanotona Pue Ala, Yesu rapapate hai waheNa tebumbuha. Iti nababehi Pue Ala bona Yesu rahuku mohalea dosa manusia bona teampungi dosanta ane mepoinalaike Iria. Hangko damani Yesu mate, Pue Ala bara mohuku manusia au madosa anti kasabaraNa.
