Suro 13:32 - Sura Malelaha

^32-33 Napaliliu Paulu lolitana i to Yahudi i sou penombaa iti, nauliangaahe, “Mewali halalu, ikamimi au mopahaweakau Ngkora Marasa ide. Apa au Nadandi Pue Ala hangkoia i toiorunta, Napopewalimi irikita pemuleanda. Pue Ala mopatuwo hule Yesu hangko i kapate nodo au teuki i lalu Petoia au kadua: ‘Oiomi AnaNgku. Alo ide KupoanamoKo.’

Suro 13:32 교차 참조

Roma 4:13

Hangkoia Pue Ala modandi i Burahima hai i pemuleana kaina mokuasainda dunia. Tunggaiana Pue Ala bona Burahima hai pemuleana mewali manoto anti pepoinalainda alana molambihe apa au Nadandi iti. Barahe molambi apa au nadandi Pue Ala anti pampeulainda Aturana Musa.

Suro 26:6

Ido hai raparesana inde, anti peharungangku i dandina Pue Ala i toiorunta hangkoia.

Roma 9:4

Hangkoia to Isaraeli molambihe ngkaia pewati hangko i Pue Ala, lawi napileimohe Pue Ala hai Napopewalimohe nodo anaNa haduduaNa. Pue Ala mopatongawaahe kuasaNa, hai anti podandiNa i to Yahudi hangkoia, ara pohintuwunda hai Ia. Ia moweihe AturaNa hai Napaturoahe ada mpenomba, hai Ngkaia mani dandina Pue Ala au Naweihe.

Suro 13:38

Bona niisa halalu-halalu: anti kaYesunami, ido hai rapahaweakau bambari au manguli dosami peisa raampungi.

Roma 10:15

Hai noumbami kapeiasanda mobambari kana Iria ane barahe ratudu? Nodo au teuki i lalu Sura Malelaha node: “Maroa mpuu kahawenda tauna au mopahawe bambari maroa!”

Suro 5:42

Alo-alona i Souna Pue Ala ba i sou ntanina, mopahawe liliuhe Ngkora Marasa au mopakanoto kaYesunami Datu Topehompo.

Suro 3:19

Halalu-halalu, ido hai hangangaa menosokau hangko i dosami hai mengkorukau i Pue Ala bona Naampungi dosami. Hangko indo, Pue Ala ina mopakaroho lalumi, hai motudu Yesu mai irikamu. Lawi Iami au napakanoto Pue Ala mewali Datu Topehorema.

Lukasi 2:10

Nauliangaahe malaeka iti, “Ineekau langa, lawi maina moanti bambari maroa irikamu, bambari au rapokatana ope-ope tauna.

Lukasi 1:19

Nahanai malaeka, “Iko, Gabriel. Meangkana i lindona Pue Ala mampegia hawaNa. Iami au motuduna mai mopahaweako bambari au maroa ide.

Suro 10:36

Manoto niisa mpuumi bambari au napahawe Pue Ala irikami to Yahudi. Bambari iti mopahawe kana i rara au mopamaroa pohintuwuna Pue Ala hai manusia melempo i Yesu Kerisitu. Yesu iti iami Ampunda ope-ope tauna.

Suro 13:23

Hangko i pemuleana Daudi, Pue Ala moangkaake hadua Datu nodo au Nadandi hangkoia. Datu iti iami Yesu, Datu Topehorema.

Suro 14:15

“Ee! Apari dide au nibabehi? Ide ikami, manusia biasa pea woringkai nodo ikamu. Maingkai mobambari Ngkora Marasa irikamu bona nikabaha penombami i anitu au bara mobundu hai bona menomba peakau i Pue Ala au tuwo, lawi Iami au mampopewali langi, tampo, tahi hai hinangka ihi dunia.

Roma 1:2

Ngkora Marasa ide nadandimi Pue Ala hai rapahawemi nabi-nabi hangkoia, nodo au teuki i lalu Sura Malelaha.