Suro 13:15 - Sura Malelaha

¹⁵ To Yahudi au teruhu inditi mobasahe hangko i Sura Aturana Musa hai hangko i Suranda Nabi. Roo indo, tadulako sou penombaa motudu bahangkia tauna lao mekune i Baranaba hai Paulu, rauli, “Halalu, ane ara lolitami au nipeinao nipaturoangkai, peisatokau mololita.”

Suro 13:15 교차 참조

Ibarani 13:22

Halalu-halalu, kuperapi bona nipehadingi maroa-roa ide paturongku, nauri ihi surangku ide sosoe pea.

Suro 15:21

Hangko i ope-ope Aturana Musa, hawa au bahangkia iti pea au tapahaweahe, datike mopakoi inaonda to Yahudi. Lawi hangkongkoiami, to Yahudi au maida i boea-boeana mobasa Sura Aturana Musa i Alo Pengkarooangaa i sou penombaa. Hai Atura iti rabambari i ope-ope boeanda.”

Markus 5:22

hawe hadua tadulako sou penombaanda to Yahudi, hangana Yairus. Kamoitana Yesu, molingkudumi i lindona Yesu

1 Korintu 14:3

Agaiana hema au mopahawe lolita hangko i Pue Ala, mopaturohe tauna, lawi lolitanda mopakaroho pepoinalainda ranganda, mohuweki lalunda hai mopalindohe.

Roma 12:8

Tauna au molambi kapande mopakaroho laluna rangana, hangangaa napopolumao mpuu bago iti. Hema au mokira apa pea i hangka rangana, hangangaa nababehi hangko kabulana laluna. Hema au molambi kapande mewali tadulako, hangangaa mewali mpuu tadulako au madota. Hai hema au molambi kapande motulungi rangana au meahi-ahi, hangangaa natulungihe hangko i laluna au matana.

Suro 22:1

Nauli Paulu, “Uma-uma, halalu-halalu! Nipehadingi wongkoia, lawi ina kuuliangaakau notongku.”

Suro 18:17

I tabangaa sou pobotusia iti, tauna bosa mohakahe Sostenes, tadulako sou penombaa, hai rapapahai. Agaiana babehianda iti bara nahaile Galio.

Suro 13:27

Lawi ampu wanua Yerusale hai tadulakonda, barahe moisa kahemana Yesu iti. Barahe moisa lempona lolitanda nabi-nabi au rabasa i alo-alo Penombaa. Ido hai mohuku matehe Yesu. Agaiana apa au rababehi iti mewali bona tepabukei apa au rauli nabi-nabi hangkoia.

Suro 20:2

I polumaona iti, ia mosondakihe to Sarani, hai napahaweahe ngkaia lolita bona maroho lalunda. Hangko inditi, lao wori i tampo Akaya, tamponda to Yunani,

Suro 18:8

Ara hadua tadulako i sou penombaa au hungku i souna Titius, hangana Krispus. Ia hai ope-ope au ara i souna mepoinalai i Pue Yesu. Hai bosa wori to Korintu au mohadi bambari au napahawe Paulu, alana mepoinalaihe hai rariumohe.

Suro 15:7

Mahaemohe mombehahanai, meangkami Peturu mololita nauli, “Halalu-halalu, niisa mpuu apa au mewali iriko. Bahangkia parena liu, napileina Pue Ala hangko i olomi, hai Natuduna mobambari Ngkora Marasa i tauna au barahe to Yahudi bona bambari iti rahadi hai rapoinalai wori.

Suro 7:2

Nahanai Setepanu, “Uma-uma, halalu-halalu! Nipehadingina hampai! Hangkoia, toiorunta Burahima maida i tampo Mesopotamia. Hangko damani melimba i boea Haran, Pue Ala au mahile kuasaNa hawe i toioruntahe,

Suro 2:37

Karahadina tauna bosa lolitana Peturu iti, tebalikimi lalunda, hai mekunehe i Peturu hai i surona Pue Yesu au ntanina, rauli, “Halalu-halalu, ane nodo, apami au hangangaa kibabehi?”

Suro 2:29

Hangko inditi, napaliliumi Peturu lolitana, nauli, “Halalu-halalu, kuuliangaakau i katou-touana, bara watana haduduana au natunggai Daudi i lolitana iti. Lawi umanta Daudi, matemi hai ratawu. Talumbana taisa mani hawe ide-ide.

Suro 2:4

Roo indo, ope-ope tauna iti nakuasaimohe Inao Malelaha, hai mepongkamohe mololita i lalu ngkaia pakana basa au bara mani raisa, moula apa au napakanotoahe Inao Malelaha.

Suro 1:16

“Halalu-halalu, apa au teuki i lalu Sura Malelaha hangangaa mewali. Hangkoia ara lolitana Inao Malelaha au napahawe Datu Daudi kana i Yudasi au moanti tauna mohaka Yesu.

Lukasi 16:16

Mepongka hangkoia duuna kahawena Yohane Toperiu, Aturana Musa hai suranda nabi-nabi rabambarimi hai rapaturoahe tauna. Agaiana mepongka ide-ide, Ngkora Marasa kana i poparentana Pue Ala au rabambari liliu. Ido hai bosa tauna mopari-pari mesua i lalu poparentaNa.

Suro 4:36

Nodo wori au nababehi Yusupu. I pampobaluna tampona, holona nahuhuahe surona Pue Yesu. Yusupu iti iami hadua pemuleana Lewi au maida i lewuto Siprus. Suronahe Pue Yesu mohanga wori Yusupu iti, Baranaba, lempona topepalindo.

2 Korintu 3:14

Agaiana pekirinda tetuko mani, lawi hawe ide-ide natabungi manihe tolombu iti. Ane mobasahe atura au hae, tetuko mani pekirinda. Ane mepoinalaimohe i Kerisitu, hangko tebungkahiri pekirinda.

1 Tesalonika 2:3

Barakau kiwawaha mampeulai paturo au sala. Bara wori ara tunggaiana lalungki au kadake, hai barangkai mampeinao mopakanawo ba hema pea.